【銅鑼灣 食記】富山麵家 X 玉桂狗 Cinnamoroll 二十週年 ♥ 期間限定拉麵店
|
|
ester
2022-10-13
251
4
|
富山麵家早前做完 My Melody 期間限定拉麵店 今次到玉桂狗啦 !!! 平日下午三點嚟到 ... 估唔到過咗飯點都有咁多人排隊等位 ... 好彩等咗 20 分鐘就可以入座 ~~ 走嘅時候條人龍終於清哂,可以同門口嘅玉桂狗影返張相 慶祝玉桂狗二十週年 由十月份至今年年尾,富山麵家將變為『玉桂狗期間限定拉麵店』 店內周圍都會見到可愛的玉桂狗裝飾 牆身、掛畫、餐枱和筷子套都是玉桂狗 也推出了各款 Cinnamoroll 特製拉麵、小食和飲品 好飲好食又好打卡 ~~ ● 特製橙味梳打 (HK$38) ● 玉子章魚燒 (HK$48) 章魚燒配上可愛的玉桂狗造型厚切玉子和雲朵蘿蔔,賣相即刻加哂分 !!! 一口大小的章魚燒,每粒都好飽滿,外脆內軟 配上木魚絲和沙律醬一起食很滋味 ● Cinnamoroll 特製牛奶拉麵 (HK$98) 另外加了兩款配菜 ... 黑木耳 (HK$10) + 紫菜 (HK$10) 用藍色的 Cinnamoroll 聯乘拉麵碗盛裝 中間的玉桂狗造型魚糕和雲朵蘿蔔很吸睛 先呷口湯,有著牛奶香味但又不會覺得膩口 麵條配埋愛吃的黑木耳絲一起食,口感爽脆 仲有紫菜、溏心蛋、沖繩豬軟骨和日本叉燒,很豐富呢 ! 裝紫菜的碟都是玉桂狗嚟的 ~~ 喜歡的話仲可以帶埋富山麵家 X Cinnamoroll 限定商品返屋企 ~~ ● Cinnamoroll 可摺式購物袋 (HK$78) ● Cinnamoroll 精美拉麵碗 (HK$138) 富山麵家 Ramen Iroha HK 香港 銅鑼灣 希雲街 7 號 地下 ** 以上分享是以我的口味、體質和情況作出分享及感受,一試 / 合用與否請自行決定 ** 本網誌內所有文章和圖片均屬本人所有,歡迎參觀。圖文如欲轉載,請先聯絡cheungester@gmail.com ! 如發現未經授權使用,本人將保留一切追究權利 ! 多謝合作 ! 歡迎與我聯絡 → cheungester@gmail.com (Ester Cheung) |
商店 | 富山麵家 |