行完郵輪碼頭，出返九龍灣，經過這間店舖，朋友話平時要排晒隊，可能六點半還未算多人，即刻入去試下。

白松露醬烤肉眼扒$288

五成熟剛剛好，白松露醬味道淡，唔出味，反而件扒本身用少少鹽調味，已經好好食，加上燒烤味好香，汁味濃，好食過其他四五百蚊既扒。

加配小食:羽衣甘藍藜麥新鮮沙律$28

餐牌上注明新鮮沙律，唔錯，真的很新鮮，除左蔬菜入口還有水份外，配上比較厚感嘅陳醋，酸酸尾尾，感覺好健康咁。

特濃熱朱古力$44

熱朱有驚喜，除了飲手工朱是最好味之外，這間算是我飲過數一數兩好飲的一間，之前飲開C.P.U.係我最愛，但店舖早兩年已關門，到現在才搵返一間有這級數的熱朱，以後可以多多來坐，熱朱本身已經好濃，加埋朱古力粉圍邊，當嘴唇掂到朱古力粉加埋一齊飲，濃上加濃，這個應該就昰好飲的其中一個因素。

加配蛋糕: 柚子慕斯.檸檬柚子芝士蛋糕.雲尼拿海綿蛋糕$28

甜品方面，外形好搶鏡，雖然少少件，切開好有層次，食落一啲都唔甜，帶有好香檸檬味，入口綿滑，一個真似唔夠食。