Dinner @元朗「香辣軒」
|
|
Circle_K
2014-01-24
3604
24
|
分享
收藏
前幾日去左元朗的「香辣軒」食晚飯,「香辣軒」即係原本o係洪水橋的「香辣屋」。記得好多年前去過「香辣屋」,但冇咩 印象,今次搬了去元朗後再試下,都幾滿意!
今次叫了個4人套餐,$588
個餐有: 冬陰公蝦湯 札肉拼酸辣鳳爪泰式拼盤 星加坡咖哩炒蟹 香蔥蒜茸包 泰式鮮魚爐 馬拉盞炒通菜 特式甜品 另外叫了個牛油炒蜆、蠔仔炒蛋、士多啤梨蘆薈特飲。
個冬陰公蝦湯幾好味,酸酸辣辣,夠濃同足料,但我唔食得辣,飲了2啖就畀埋媽咪飲。(果刻覺得好似返返細個咁,唔食 O既野就推畀阿媽 :P) 札肉拼酸辣鳳爪我冇試,家人試完後覺得冇乜特別。
泰式拼盤有炸蝦餅、泰式春卷、烤雞肉。炸蝦餅好脆,泰式春卷冇乜特別;反而烤雞肉幾特別,用香茅葉包到好似隻稯咁, 一咬落去有好香O既香茅味,好好味!
食完隻蟹仲剩返好多咖哩,用蒜茸包點咖哩食都好味,唔會浪費食物 XD
同一般泰式食店一樣,泰式鮮魚爐都係用個魚型窩盛?,有個爐邊燒邊食,味道OK。
蠔仔炒蛋好好味,蠔仔好鮮,蛋同蠔仔都炒得好滑。碟蠔仔炒蛋好似人地鐵板燒咁,用隻小鐵板裝住。
牛油炒蜆幾特別,第1次食用牛油炒的蜆,好香好好味,冇沙,但要襯熱食,凍了先食真係好滯。 呢碟馬拉盞炒通菜唔掂,煮得唔熟,好硬,而且D通菜好老,又硬又老。
士多啤梨蘆薈特飲都好好味,好濃士多啤梨味,唔會好稀(冇偷工減料),加埋D蘆薈粒,正!賣相都好靚。
甜品有幾種口味,白色果款上面白色的係椰汁,下面有淡淡綠豆味,我諗應該係椰汁西米糕。而紅色果款淡淡西柚味;白色透明果款都有淡淡椰汁味;黃色果款係芒果布丁。全部味道都係淡淡的,不太甜膩。
整體來講,D野食好好味,價錢都OK,值得再去!!只係地方較以前洪水橋時細,繁忙時間時較逼。另外,穩陣D 去之前記得要預約先,因為門口好大風,o係門口等緊會凍死。
地址:元朗西菁街23號富達廣場52 - 55號舖 電話:2944 3238
其他攻略
Circle_K 的個人網誌: |
~END~
人均
$240.00
商店 | (已結業)Chili's House |