我剛去春芝園摘完士多啤梨.
粉嶺再轉車,下車迷途.
我的大老爺牛郎C都唔肯比我打電話問人,
佢話咁多時間都冇左.....

今日,我唔趕時間,靠自己,使咩問人姐,多鬼餘.

結果,我一條心C跟住佢行,如走入荒山野嶺....

忽然,幾隻狗向我地狂吠,兩隻黑狗迎面撲來,我差D比狗咬呀!
定神後,同大家分享!

唔好意思,我病了幾日,依加仲要食藥.

回想那一刻,依家都心寒.

兩隻黑狗來勢洶洶,迎面撲來.

我急得大叫:點算呀!

我的大老爺瞪大眼說:跟住我行.唔好望D狗.

你再嘈實咬C你.....死死氣跟佢行,真係腳都軟呀!

結果,都係找不到士多啤梨園.

我氣到成隻田雞咁,好谷氣姐.

我開始反面:你又唔識,又唔比我打電話問人.

兜左9個字,汗流浹背.....

老公對我的話依然充耳不聞.

我再按捺不住,冒住比佢XX都要打電話問人.

幸好負責人知道我的情況,馬上踩單車出來引路.

否則,我兩一定找不到.

這兒的士多啤梨比較清甜.

但貴好多要80元1磅.沒有精美盒.

交通:

粉嶺火車站,轉52K大約18分鐘車程,

九記士多落車.

面向九記,從右面小路行入.

綠色郵筒側.

3-5分鐘見一條小河.

向前行,有分叉路靠左行.見小型遊樂場.

堅持往前,行到冇路可行.

只見田野,沿路轉左是泥田路,行2分鐘.

走到路口,轉右,向前行3-5分鐘可到達.

途中會見到士多啤梨園.

九記小路步行大約行12-15分鐘.