地點揀咗係深水埗最近開既一間潮店 - 22 Degrees North。上到閣樓，發覺果然同之前雜誌所講，別有動天。雖然小小既地方，但最後都坐咗成三十人。一開始講解，原來係舖頭負責人講解先，除咗樓下既皮作製品，樓上呢層想作文化交流，所以今次佢搵咗 friend page 負責人講解威士忌。同原先我唸倒轉咗。

一開始主持人介紹咗酒既種類，跟住當然foucs 講威士忌係咩啦？有咩種類、原料、發酵、木筒種類、蘇格蘭產地劃分等等。當然係不斷講解中，我哋由調合酒，試到之後既單一麥芽，由淡味去到濃味。係咁樣慢慢試上去，真係感受到酒味既唔同。之前睇書，又話咩果味，花味等等，乜都感受唔到。但今日係度試，自己既味蕾未必感受到，但聽埋人哋講，又會覺得係，所以感覺唔錯。

Total 今日試咗五支酒，最後一支重口味，我都居然有。阿珍係蘇格蘭買返嚟，平時我飲真係覺得麻麻！但唔知點解今日一飲，經過前面4支之後，覺得呢支其實都好香，入口亦唔係真係咁難。

最後，當然要問佢，威士忌配咩食物，佢話其實飯後飲會好D。真係配食物，濃味既酒應該配淡味既嘢，如淡味芝士。就算係雪茄都應該淡D。鬥濃味係唔OK。雖然未至於上咗補貴既一課，但總算得到唔少蘇格蘭威士忌知識。