19 JANUARY 2014(SUN)

嚟得Mega Box，當場要去全港最大嘅室內兒童遊樂場 Play House E³ Club，俾小小豬勁量放電啦~

一張套票包一位大人及一位小朋友係全日任玩，如果好似我地咁三人行，都只係額外加幾十蚊就得。依度全場有大約有11,000 呎空間，而且因應不同小朋友需要，分為不同的遊樂區域。地方咁大又多嘢玩，真係玩足一日都得~

睇吓隻貪玩豬，平日係屋企除鞋都冇咁快，今次就極速咁除鞋。緊係啦...快啲除鞋就可以快啲有得玩嘛~

第一個印象都真係唔錯，尤其係見到依個租LOCKER服務，等我地家長可以放低啲物品，輕鬆咁陪小朋友玩個暢快呀~

原本都好想先帶小小豬睇吓周圍環境先，不過依個豬仔一見到個特大迷宮，就二話不說走左去玩啦~

迷宮真係勁大，我跟左小小豬去玩一轉，我都已經攰到冇晒氣啦~

由於小小豬嘅精力實在太旺盛，我同大肥豬跟住佢又走上又走落咁，你都唔好話唔攰。正當我地都嗌救命時，救星出現啦！我地遇到小魔怪姐姐同哥哥，佢地幫我帶住小小豬去玩，等我地唔洗人釘人咁跟住小小豬呀~

佢地三個係個迷宮人面都玩左成一個鐘有多，雖然見佢地三個都玩得好開心，不過玩到面仔都紅晒，係時候要休息一陣啦！

由於場內係唔可以飲食，所以係入口處旁都返有一個小食亭，既有啲凍冰飲品賣之外，亦有啲舒服座位可以俾我地休息一吓~

休息過後，我地又繼續入去玩啦！

不過今次就玩啲比較文靜設施先，先去小屋仔玩吓煮飯仔先~

繼續再去砌積木~

之後就做吓體操同玩吓車仔先~

另一邊有一個比較適合較小的小寶寶遊樂場~

有小小豬至愛嘅串串珠玩~

仲有一個迷你波波池~

另一邊有兩個都是跳彈床~

我覺得設計真係非常之好，將大小朋友分開玩，真係安全好多呀~

小小豬仲乜咁乖乖坐定定呀~

原來佢係度等緊小魔怪姐姐玩完彈床陪佢玩呀，其實我都真係好出奇，竟然可以乖乖坐定定，佢真係好鐘意同姐姐玩呀~

在場亦有一部小巴嘅屋仔~

原來小巴入面係有電視睇，亦有座位，可以等小朋友作中場休息~

不過依個貪玩小小豬又點會同你休息，趁機會佢又"SIR"走啦~

另一邊就係公主館，平日應該會用嚟開派對，今日就有圖書俾小朋友睇。雖然平日小小豬都鐘意睇圖書，不過今日咁多引誘，佢又點肯乖乖坐定定睇書呢～

最後，佢地三個小朋友係迷宮再玩多一轉，咁我地就走啦！雖然都真係有啲意猶未盡，小小豬都唔肯走呀，不過見小小豬嘅體力都已經耗盡左，所以唔可以再玩啦！

依個場地方真係都好乾淨，有咁好嘅環境我地家長先會放心小朋友嚟玩嘛！

相信嚟緊我地都一定會再嚟玩多次，下次早啲嚟，咁就可以玩耐啲啦！

其他博客區
※SINA※※

※※MyBB星級Blogger※※

※※WeShare※※

※※She.com※※

※※theZtyle※※

MY FACEBOOK~


MY WEIBO~

MY E-MAIL~