昨晚街坊飯局，人地出「啦fit」，話明要以靚酒會友，咱們就選址太古坊八月芳晚膳。B.M.一向滴酒不沾，食就有份。老人家也難得有機會與「同代」朋友聊天，有共嗚嘛。B.M.呢，角色係陪食飯，畢竟是兩個家庭的聚會。

因為加班的關係，又要碰上等不到巴士，遲到一小時……極度不好意思啦。一坐下，冷盤是海哲鮑片。之後上的是柚子燒牛肉沙律，好吸引呀！可惜B.M.不能食柚子成份的東東，就沒口福啦！燉湯是杏汁螺頭，正！竟然用南北杏加水打碎成汁再加高湯燉，用全雞煲卻沒有半點油，單是工序已值回票價。

之後就上鮑魚煲，用的乾鮑，四份一手掌般大，只是不夠焾，值得一讚是底的粉絲，加了新鮮蟹肉及金菇用鮑汁煮的，精華所在，難得完全不油。隨之而上的海參雞煲，B.M.也不知為什麼哪麼多煲。海參不是用遼參，但份量很足，很厚肉，女士愛美顏，豐富骨膠原絕不能錯過。

上湯龍蝦煲，又係煲，只係第一次食米粉底，B.M.覺得太「立」口，有點「漏」。兩個炒菜，貴妃苗之前讚過了，今次要讚B.M.的至愛西蘭花，B.M.簡直中了西蘭花的毒，超愛，無論是如何煮都好。是次蒜蓉炒，很重酒香，難得少油。

只是B.M.太累了，吃過甜品，encore 拿破崙，就早點獨自離席回家。星期五就沒所謂，只是翌日還要上班就恕不奉陪了。

延伸閱讀:

1) 太古坊 — 八月芳