每次同朋友係九龍城食完晚飯, 都一定要留肚去食甜品 (一向做人既宗旨係飯可以唔食, 甜品唔食就唔得!), 而九龍城除咗有好多高級既Pastry shop之前, 都仲有好多傳統嘢,而合成糖水就係我其中一個中式傳統選擇!

其實佢係一間潮州糖水鋪 (其實我都唔知傳統潮州係有咩, 我只係識清心丸同綠豆爽咋), 而佢就係專買蓮子糖水, 佢啲蓮子真係煲到好"林"好"化"呢. 而今次就叫咗個蓮子綠豆爽, 成碗都係綠豆及蓮子, 好足料,唔會太甜, 好味呢!!!  雖然晚飯已經食到好飽, 但係都係一個人KO晒成碗呢!