DIY士的車安全帶+Cosco士的車@玩具反斗城
|
|
寶寶湊寶寶
2013-10-16
1176
0
|
分享
收藏
其實沛沛2歲左右都開始無咩用BB車/士的車, 全因我地住嘅地方四同圍都係樓梯, 如果唔想抬BB車,行大路推BB車去MTR要成25分鐘, 不過以前係玩具反斗城買左一架又平又輕又好用嘅Cosco士的車, 係我見過最輕嘅一架, 抬車上落樓梯都可以自己應付得到,想同大家分享下。 我覺得好適合自己湊BB嘅全職媽媽!
雖然士的車無back support,
不過沛沛都1歲幾先坐都唔怕, 而且唔係長時間坐都OK! 前年買嘅時候,$299,綠啡色/粉紅白色,宜家無得賣啦,不過有新款~ 車身真係好輕, 好易收起,1隻手可以攞到! 由於只有3點安全帶,沛沛好易會向前“中”,特別係瞓著左嘅時候, 所以我用左一條長長魔術貼穿住旁邊2條鐵支做安全帶, 加多左個襯晒色嘅龍貓安全帶套, 安全之餘又唔怕��到沛沛條頸! 長長魔術貼其實係2條索書帶,將2條駁起就可以用啦! 沛沛仲係好BB樣,用左DIY士的車安全帶,就好似好舒服咁坐龍貓BB車~ 同樣可以加掛勾,不過車身好輕,小心反車~ 都加左被夾,瞓左覺夾住被仔唔怕跌左~ 沛爸好細心咁係手柄位加左網球拍柄帶, 所以唔怕“冼”手,落斜都好放心! 係後面加左個SHOPPING BAG,同樣可以擺野好方便。 可以夾個太陽擋遮太陽 唔用摺起放入後面SHOPPING BAG好方便 用雨冚都一樣無問題,大雨就唔好啦! 用左2個被扣夾住個枕頭仔,瞓覺好合適。 感謝 寶寶湊寶寶 提供以上資料 寶寶湊寶寶的網誌:http://utopiayeung.blogspot.hk/ |
~END~
商店 | 玩具反斗城 (尖沙咀國際廣場店) |