細細個時,我係住係土瓜灣

個時住唐六樓

但小朋友,成日跑樓梯都無乜問題既

我仲成日都碌落樓梯添...keke

可能因為咁..而家傻傻地..

而家人大左,對以前間屋都無乜印像

唯一記得係個廁所好多曱由

到而家有時都會夢見以前個廁所同埋啲曱由

另外一個回憶,就係海心公園

以前我地幾姐妹讀既小學就係海心公園附近

當我幼稚園時,媽咪帶左家姐返小學

就會帶我去海心公園晨運

有次仲係海心公園走失左我...然後我自己走左返幼稚園...

個時我大約係4歲...

都係我唯一4歲既回憶..哈哈

好..講返海心公園先

今日帶埋悠悠去搵我既童年回憶

而家,個公園經過大裝修,已經唔同晒

海心公園既最大標記就係魚尾石

以前,魚尾石係任人走上去

可以係石同石之間穿梭

而家魚尾石已經受到保護

不過我見都仲係有人偷偷爬上去

唔講咁多,睇吓相先啦....

先尼同魚尾石影返張相....(悠悠今期最愛post...愛心)

小小公園內都有間小食亭

唔知點解咁多人係到唱K....眼見都有三班人各自係到開機大唱...

仲有人跳...老...舞...哈哈 (即係懷舊舞啦)

不過各有各唱..其實有小小破懷左公園個種寧靜舒服既感覺呢...

今日天氣超好,太陽掛係魚尾石上...

出去涼亭走走..

見到個海咁....連悠悠都話: 點解啲人要咁對個海...

影完相,同悠悠去左另一邊既公園玩

因為海心公園依邊太多巴藉人仕啦...

佢地啲小朋友玩得好瘋狂既..都係避一避好了