|
Soho中東菜 : Sahara Mezz Bar
|
|
朱迪
2012-07-26
1129
0
|
分享
收藏
| 香港是美食天堂大家絕不懷疑。
在香港，除廣東菜外，大概諗得到嘅都有得食。
中環SOHO 區更係朱迪心見中嘅美食地球村，想品嚐中日意法英美?
順便一數，2隻手都數唔哂。
而這一天，朱迪穿過SOHO的大街小巷，享受了一頓美味晚餐，亦擁有了一個HAPPY NIGHT。
先利申一下，朱迪係一個偏好重口味嘅人。
亦係一個超級煩嘅揀飲擇食「八婆」！(不得不用「八婆」唻形容自己，我揀飲擇食嘅程度係曾經俾朋友問：究竟你有咩係食嘅呢？....= =)
食物愈濃味愈愛，亦最愛吃辣。
如果你跟我一樣，絕對要看下去。
但如果不喜重口味呢？支持一下吧 :)
這地方也有適合你的：特色Cocktail & Happy Hour
中東菜大概沒多少人識分辨，說真的，我也不會。
完成整頓晚飯後，最深印象係中東菜將唔同嘅香料運用得宜。
有少少似印度菜，但絕唔係道道咖哩，每道菜運用嘅香料亦有所不同。
大概係每種香料”性格有別”，所以有的菜帶微辣、有的帶酸、有的偏咸，唔會道道菜一樣味道。
甫坐底，先上餐前小點。
跟我地(以前)唱K有NUTS一樣，先上一碟開胃菜 : 油浸橄欖。
我不吃橄欖，唔知好唔好食，但望落去，粒粒飽滿，應該唔錯。
HAPPY
NIGHT嘛，點少得酒?
我的是The Sheikh (與Shake 同音) [HK$60]
即是菠蘿味的Mojito!!!!
一聽到Mojito已二話不說點了!
新鮮菠蘿汁配上薄荷葉，比起平常愛喝的Mojito 帶甜一點，薄荷葉落少左無咁搶。
一飲愛上，我會為左呢杯飲品而番唻！
朋友點的Arabian Nights(阿拉伯之夜) [HK$60]
蜜桃加上香檳，朋友大讚！相信女孩子們定必喜歡。
另一杯是Sandy Strawberry [HK$65]
新鮮士多啤莉 + RUM，on top 加香檳!
酒味稍濃，甜味亦濃。
病倒的朋友點了Fresh Strawberry Smoothie [HK$46]
味道不錯，重點係新鮮打造嘅Smoothie只係$46！！
我開始懷疑老闆寫錯menu....XDDDD
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
飲品後，先上冷盤Egyptian Mixed Platter [HK$160]
中東天氣熱，冷盤通常作餐前開胃菜
7小碟，分別有：
(朱迪對這個platter 印象深刻，專登影低左menu認名~~ hoho~)
有dip platter，當然唔少得鬆軟的PitaBread(中東包)啦~
平常朱迪多數食白色的，原來PitaBread也有wheat PitaBread的!!wheat的較好吃啦~~~ 哈哈~
暖暖嘅 PitaBread，入口軟軟棉棉! 淨食PitaBread已很幸福了~
加上7款唔同嘅小食 / dip， 一口dip 或一口張食，夾住小片PitaBread食，
還未上主菜，都飽了~~ 嘻嘻~~
而7碟當中，最愛吃嘅係茄子蓉(zaaluk)[HK$55]！！！
好食到，我地另外再order一碟!!
Size 差唔多係platter的3倍~
先跟大家說一下，我．係．從．來．唔．食．茄．子．的！！
但zaaluk絕對無茄子果隻滑滑嘅古怪感覺！（不吃茄子的你會懂的）
食之前仲要無為意，食食下先知係茄子蓉~~~ 嘩哈哈!!
基本上，如果唔話你知係咩，從賣相、造型、氣味、味道，都唔會知係由茄子整嘅。
（初初朱迪以為係南瓜，而南瓜，朱迪都係唔食嘅....）
佢應該用咗好幾隻 (OR好幾十隻 ??) 香料煮，因為香味甚濃。
而且on top 有鮮洋蔥粒，帶微辣~
岩哂鍾意濃味嘅我~ ^^
冷盤後，是salad : Haloumi Cheese ! [HK$65]
中間的塊狀東東似”肉”不是肉，
其實係煎香左芝士，質地有d似雞肉。
別以為煎嘅芝士會好膩，呢款煎芝士屬於比較乾身那一種，感覺油份唔重。
而且煎香後都唔會算太過濃或太油膩，易入口。
小貼士：雖然唔濃味，但夾埋salad油膩感再大減!而且加上黑醋橄欖油，胃又再度開了~嘻嘻~
女孩子嘛，食一碟 salad點會夠? 我地再叫多一碟
是另一個特色salad - Roasted Fresh
Figs [HK$90]
Figs是什麼? 無花果是也!
煲湯無花果飲得多，新鮮嘅整salad比較少食。
新鮮無花果加入蜜糖烤焗，配上羊奶芝士同salad~
原來新鮮無花果係非常juice的!!整salad 真係非常不錯，而且其他餐廳比較少見。
這個salad味道夾得很好，甜甜fresh fresh 的。不錯，我地幾個都非常大愛！
好快就清碟了~~ (我地係蝗虫嗎....= =''')
之後，我地終於肯食主菜啦~~ XDDD
(第5道菜先係主菜....減肥點會成功呢我...唉.....)
主菜是 : 噔．噔．噔．噔：帳篷!!!!! @@
不是啦，內有亁坤的喲~
Lamb Tagine with Cous
Cous [HK$90]
即羊柳粒配Cous Cous!
香料味濃，唔識貨如我會當佢係咖哩。
羊柳粒煮得好淋好入味，亦因為配上香料，騷味唔強。
基本上唔抗拒羊的朋友都食得入口。
對於無咁騷嘅羊我係食到嘅，所以都食左頗多~ (雖然已經飽到有左3個月一樣....)
只於Cous Cous呢? 其實我都食唔出Cous Cous係咩，又唔似豆、又唔似粉。
上網查下係唻自北非嘅主食，雖然唔知係咩，但口感特別，味道亦不錯。
將羊柳粒、Cous Cous、汁&蔬菜一齊食，味道MATCH得很!!
有點食咖哩飯嘅感覺~ 哈哈!
濃味醬汁俾Cous Cous吸收哂，入口時唔會過咸。
羊柳粒嫩嫩的，香嫩幼滑。
配埋一齊食，蔬菜再略略減輕濃味，完滿了。
唔怕肥死嘅我地，仲叫埋Sheesh Kebabs [HK$135]
燒雞肉，但雞肉很嫩，唔會有燒雞肉容易出現嘅”鞋”！
而且，燒薯仔也很好吃~醬汁吸哂入薯仔入面。
連side dish 都這麼周到，真係好想問下老闆，你真係唔收貴d?
而一直以為kebabs係Wrap，原來可以淨食架~~
不過淨食都好，我地已經開始鳴金收兵了。
(諗番轉頭，朱迪第一次食Wrap，係喺蘭桂芳食嘅。浦完後嘅早餐~~XDDD)
但....最後最後最後，我地嘅然仲叫埋Moroccan Seafood Paella [HK$160] !!!!
這個是「海鮮飯二重奏」(我亂起的XDDDD 人家沒有中文menu的~)
有墨魚、蟹肉，再配上紅椒、綠椒、紅辣椒！
辣辣地，而且味道偏咸。
何解朱迪稱之為「二重奏」?
因為上枱時一時，雖然食左成飯濃味食物，理應舌頭已習慣了。
但呢道飯絕對係全晚之最咸！
但店員教路，將碟上提供嘅檸角擠汁，淋上整個飯面後，卻變成了第2個味道。
整體咸度減半，檸檬汁帶出左海鮮獨有嘅甜味。
加上食到尾聲時，實在太飽了，加上檸檬汁，尚算消一消滯。
終於，終於，我地食哂點完嘅菜。
而我地亦係度繼續吹水~
佢嘅cocktail menu 真的不錯喲~
而且，仲有水煙食， 下次唔唻食飯，飲杯野，試下水煙，都係唔錯嘅Happy Hour選擇喲~
~~~~~~~~~~~~~~~~~~~~~~~~~
食完呢一餐後，實在係十級滿足！
|
~END~
| 商店 | Sahara Mezz Bar |