依幾日都係天黑黑,間中小雨點灑灑...

完全唔想出街..

但我做宅女啫..我個囡都唔可以陪我做宅女架..

於是就近近地,帶佢去將軍澳海濱長廊踩下滑板車

上左巴士,依頭座底,個頭就落車,好近

如果大家搭地鐵

就係將軍澳站A出口,一直行,大約5分鐘路程就到,好近既

係寶盈花園旁有條隧道,

一穿過去就完全係另一番景象

隧道前仲係市區

隧道後就好似魚村咁

一條小小河,泊住好多漁船仔

過左啲漁船,向前行,就到將軍澳海濱長廊

其實依到唔係太多人知道

連住係將軍澳既人都未必知

所以依到好休靜,好舒服既

依到提供好多釣魚位置

不過我估可能無乜魚既

所以都無人係到釣魚

一路向前行行行

大約30分鐘(慢慢行),就去到長廊出口

長廊出口就連住上將軍澳墓場既路

又即係去到調景嶺了

前面山中間個條橋就係將軍澳墓場喇...

如果行河對面個條路

就會去到康盛

康盛我未去過

下次行去個邊睇下..到時再同大家介紹下啦