|
尖東 - 日航酒店雅樂吧
|
|
AboutFood
2014-02-05
1046
0
|
分享
收藏
| 新春期間食中菜始終麻煩，隨時加價又冇優惠，還是去酒店食自助餐唔駛煩。選了做得唔錯的日航酒店食下午茶自助餐，貪佢唔太貴又唔算太多人。 蟹腳子仍然有，西式冷盤肉質數唔錯。咖哩及肉丸幾好味，但印度鬆餅就幾實唔好食。由於是春節，所以多了兩款賀年菜。魚柳鹹到似食鹹魚，煮這些魚柳跟本不用落鹽的，醬汁本身微微的鹽份已夠。   刺身方面，三文魚幾新鮮，奈何所用三文魚是次一兩級貨式唔算鮮味，但估唔到吞拿魚質數又幾好，不肥美但就無筋夠鮮味，唯保存得不太好表面出現一些乾涸。  焗生蠔幾腥唔算好食。豬扒包只算不過不失麵包味夠脆，味道都似澳門那間賣的且大家都唔太好食。   甜品方面就真的很多花款，有部份個人覺得是做得幾好食，例如美式芝士餅(上面有紅梅那款)、芒果撻及芒果撈了大菜那款。    這裡有三款Häagen-Dazs雪糕供應。介紹一個絕招給大家，想熱朱古力好飲方法很簡單，放綿花糖是用來騙吓"C9"的平價方案，其實只要在熱朱古力面放一匙Häagen-Dazs朱古力味雪糕便可，這可使朱古力變得很香濃及滑，注意朱古力本身可能要減一點糖。  這裡自助餐的食物算幾多只試了大半，以信用咭有八折計都算低。唯這次有一個很嚴重問題，就是大部份的食物都偏鹹，很多菜起碼要減兩三成鹽才有機會變回正常，做乜咁重手。
感謝 All About Foods 提供以上資料
|
~END~
| 商店 | 雅樂吧 Lobby Lounge |