太子 - 鉅龍酒家 SeeWide

這次所講的是較近太子那間分店，同一條街向深水埗行過少少都有另一間的，不過好似沒這套餐。這裡的午市商務套餐都幾底食的，本身有一碟涼拌雲耳，泡青菜，兩盅湯及另可選兩款小菜。由於是二人餐所以碟頭就不會太大。

拌雲耳正正常常的都幾好味。兩盅野生天麻龍躉骨湯就應該是成個餐的主力了，有很多料，放了龍躉中間那條大骨進去煲不過唔會好腥，另有兩件雞在裡面，個湯幾好飲，單一盅賣街可能就要幾十蚊。

泡青菜就是炸菜鮮冬茹粒肉碎浸菜，菜有點過熟整體只不過不失，不過只放了有很少油所以都可加點分。

可自選兩款少菜，由於去了幾次所以相片是分幾次拍的。桂花炒蟹肉其實不合格，所謂桂花即將雞蛋炒到很香很碎好像桂花一樣而唔係真係有桂花在裡面，這裡的蛋明顯唔碎唔乾身亦唔香口，蟹肉唔多覺，本身味道其實還可以的，只是唔好叫做桂花炒蟹肉便可。

白玉蒸龍躉，豆腐同魚都算滑，唯稍稍唔夠鹹。咕嚕肉是最正常的港式做，炸粉是厚了點，味道就真係幾好汁收得夠乾。滑蛋炒蝦仁其實叫蝦仁炒蛋更正確，雖然唔係滑蛋不過都正常好味的。

糖水是木瓜雲耳都幾好味幾多料。

計裡茶錢加一兩個人百八蚊左右，價錢唔能夠說很平不過都是合理水平。

感謝 All About Foods 提供以上資料
個人日誌: http://hkgfoods.blogspot.hk/

~END~

商店	鉅龍酒家 Royal Dragon Seafood Cuisine (太子店)


(0)	(0)	(0)