深水埗 - 上海萬家村菜館 SeeWide

深水埗的食店很多，起正電腦商場對面的也不少，而平到好像這裡的下午茶或者真係好少。這裡最平最好食的下午茶應該是燻魚加麵，就咁睇$27(其實已加了價農曆年前才$26)或者都感覺唔到有幾底食，看看照片就知。

點了燻魚擔擔麵套餐，擔擔麵其實麻麻地，味道不算濃，有點肉碎咁啦，但就勝在大碗，就咁食個麵都有點飽。

燻魚幾好味，魚在炆前炸得夠香脆，煮好後帶點醬油味的蜜汁配合得好亦好味，不過蜜汁相當甜，甜到有點像糖膠的甜度所以不喜歡甜的人或接受不到。

套餐如果就咁結束就唔會叫得做底，原來還有兩個生煎包，雖然味道麻麻地但又係勝在飽肚，食埋兩個包真係晚飯都唔駛食。

最後加杯味道麻麻地的茶便劃上句號。雖然幾樣野味道都是麻麻地，但在質數與價錢掛鉤之下實是相當唔錯，特別是燻魚由於自己不怕吃甜野所以不看價錢也覺得幾好味。

同場加影一碗下午茶套餐的五香牛肉麵(代替了燻魚及擔擔麵)，味道無乜特別，感覺上亦無咁底食(雖然牛腱其實好貴)。

感謝 All About Foods 提供以上資料
個人日誌: http://hkgfoods.blogspot.hk/

~END~

商店	(已結業)上海萬家村菜館


(0)	(0)	(0)