悠閒地過平安夜

24 DECEMBER, 2013

希望2014前寫哂D卜先~ 哈哈 ! 我都知無咩可能~ 今年寫卜既總數同上年差唔多呀 ! 呢加無咩時間成日坐係電腦面前, 唔知點解有時玩玩下電腦可以發呆, 又無端端執執下相變左睇相, 睇完相好眼訓, 又無心機打 ! 一有MOOD到就拿拿聲寫喇 ! 哈哈

之前D PARTY都安排係24-26前後, 一路打算呢幾日係屋企休息~ 其實24號都算係HEA足全日, 老公放埋假~ 太凍既關係, 訓訓下已經一點 ! 哈哈 ! 好癲~ 訓到好夠先醒~ 今日可以拍下拖啦~ 實在太開心~ 

本來同老公打算出發去土瓜灣食細佬們介紹既譽麵坊, 點知行行下, 行過左, 咁岩又經過呢間好香麻辣味既鋪頭, 我就咁問左句, 食呢間囉~ 小溫子二話不說話好 ! 哈哈哈~ 證明佢都好想試~ 哈哈哈 ! 好開心呀~ 我地最鍾意食辣野  

我最愛口水雞 老公既就係酸菜魚, 佢話除左油左少少, 味道就非常好 !

仲有夫妻肺片, 雖然好細碟~ 但兩個人share都好夠架喇 ! 好好味~ 

傻奸奸入左去, 發現係好野, 又多個地方食好野 ! 實在太好喇 !

四川重口味 Heavy Taste 

地址: 土瓜灣北帝街19號 

轉個頭食飽都已經四點, D時間過得咁快既~ 我地去左又一城行陣買野~ 成間taste好似唔使錢咁~ 當然Holiday mood呀 ! 大家都買得好開心~ 不過等切ham等好耐, 因為真係好多人~ 哈哈

好大舊火腿呀 ! 我最鍾意美國手榴蛋咁款個D HAM~ 買1LB好似$119, 我通常買四分一, 樣樣買D, 唔使買咁多~

小溫子去尋找他的至愛, 不過今次佢叫我試, 試到一款好好味~ 好滑唔太臭既BLUE CHEESE~ 

咁多款, 可以試架~ 試到岩先買 ! 我地就買左右下角個款喇 ~

 終於買齊 ! 因為老公約左位朋友上黎飲野傾下計 !

嘩 ! 呢度係排隊俾錢架 ! 好多人好有氣勢呀 !!!! 

返到屋企等埋朋友仔上黎我地就準備好喇 ! 聖誕來來去去都係咁款啦~~ 最簡單, 只係買好上碟~ 哈哈哈 !  

呢幾餐都係食沙律菜~ 又方便又健康~ 哈哈 ! 我地買左個超甜既蜜瓜呀 ~ 十分多汁~ 太幸運喇 ! 

今日係楊小弟上黎呀 ! 佢同小溫子一齊煲<>, 好變態 ! 我睇睇下都走去訓喇 ! 實在太變態~~~~~ 小溫子唔知咩料 , 俾楊小弟感染走去睇埋一份~ 哈哈 ! 呢個平安夜好平安呀~~~~