伴台友遊香港 ● DAY1

9 JAN,2014

全個一月都好忙, 話說三月都到喇 ! 就寫返一月先啦 ! 哈哈哈 ! 一月頭有四日三夜我有位台灣朋友遊香港, 剛好佢一個人, 就黎我黃爸媽屋企住三晚~ 哈哈 !  我就陪足我朋友三日, 第四日我去澳門呀 ! 所以都好攰~ 幸好我位朋友已經黎過N次香港 ! 只係黎香港食下同買下 ! 我先知遊客係買咩架~~ 好喇 ! 等我簡單寫下呢三日去左邊啦 !

朋友勁到唔使接機都識去到黃爸媽屋企附近~ 真係勁 ! 我就去到地鐵站接朋友仔~ 放低行李第一站係去依肚, 朋友想食添好運~ 嘩 ! 我都好耐無黎LU~ 岩岩好去到兩點左右, 黃爸媽都一齊黎食下午茶~ 實在太好喇 !

添好運水準依舊, 真係好好味 ! 特別係墨西哥叉燒包, 真係特別正 !  台友大愛燒賣同糯米雞 ! 哈哈 ! 

實在太美味 ! 推介 ! 

隔離台既日本女仔好NICE咁幫我地影左張相~ 好開心 ! 呢位就係我台灣朋友, 台友叫雅如   

添好運點心專門店 Tim Ho Wan, the Dim-Sum Specialists 

地址 : 深水埗福榮街9-11號地下 

食飽飽我地就去左行九龍城, 第一日已經開始買手信喇 ! 哈哈 ! 原來遊客都會去買曲奇四重奏做手信 ! 都係蝴蝶酥個咋啦~  

曲奇四重奏 Cookies Quartet 

地址: 九龍城獅子石道9A地下 

反而我間唔時都會去呢間買雞仔餅, 雖然好唔健康, 不過真係好鍾意食架 ! 我只係鍾意食呢間~ 講起又想去買~ 哈哈哈 !  $17/半磅

仲有好多香港特式餅~ 呢間我都覺得做得幾好味架 ! 

樺麵包 W Bakery 

地址: 九龍城獅子石道18號新安大廈地下 

個排準備新年喇 !

遊走九龍城 

經常坐既旺角紅VAN

 小時候最愛既叮叮糖~

咁岩經過忍唔住帶朋友仔入黎望下 ! 順便買兩三件返去俾佢試下 !  

好可愛既SNOW MAN~  

Patisserie Tony Wong 

地址: 九龍城福佬村道74號 

買完我就帶朋友返黃家先, 我要剛去醫院探嫂子同埋baby呀 ! 全日都係好趕黎趕去~ 不過好開心呀 !  探完我同老公一齊返黃家接朋友仔一齊出去食飯, 今晚朋友想食煲仔飯, 油麻地個d我真係唔想去 ! 最後上網發現旺角朗豪劫後面街有間銓滿記, 都有煲仔飯, 仲要好味既 ! 真係會再去 !  

銓滿記餐廳小廚 Chuen Moon Kee Restaurant

 地址: 旺角新填地街419號萬福大廈地下

我地一行五個人, 叫左四個煲仔飯同埋兩個小菜share~ 超飽~ 好埋好好味~ 個湯都好好飲, 真係無味精 ! 堅正 ! 

避風塘雞中翼, 雖然數落得四隻雞翼, 再開一半 ! 哈哈 ! 好似$68, 不過真係好味既~   

清湯蘿白牛腩, 好正 ! 個清湯真係好好味~ 牛腩蘿白都好好味 !  

 主角到~~~ 煲仔飯, 呢度有海鮮煲仔飯, 真係要叫 ! 好鮮甜架~~ 一定會再黎呀 !

鮮蝦粉絲煲仔飯 ● 超鮮甜, 好食到唔識講 !

豉汁大鱔煲仔飯 ● 好香, 豉汁大鱔超好味 !

鳳爪排骨煲仔飯 ● 味道較濃, 不過排骨夠入味 ! 正 !

窩蛋免治牛肉煲仔飯 ●  呢款真係普通, 唔係唔好味, 係前面太出色 ! 哈哈 !

yeah ! 好開心既一晚~ 

食飽行街~  

我老公行左入去睇~~~  

西洋菜街 

影張相先~ 

自制大合照

自從知道係呢條街影相月入十萬之後, 成條街都係影相 ! 真係幾有特色 !  

嘩 ! 唔記得表演咩~ 其實香港有咁特色既地方真係好正, 可以俾多D機會表演者~ 真係可以當景點之一~

行到咁上下好攰喇  ! 坐返車返九龍城食糖水~ 雅如最愛既合成糖水~

今晚差左好多, 好似水咁 ! 一D潤既感覺都無~ 失望~ 

遊香港DAY 1 完