|
華東日全蝕之旅 Day2 (杭州西湖+龍井問茶)
|
|
AABB遊世界
2009-08-02
457
0
|
分享
收藏
| Day2 (2009-7-20) 今日行程：杭州 [西湖(包乘船)﹑孤山公園﹑秋瑾墓﹑龍井茗茶]--桐鄉(中國菊花之都)--著名江南烏鎮水鄉(自費)--無錫 第二朝7點3 morning call, 7點9食早餐, 8點半上車。  這天比較興奮才有拍照, 往後的早餐都忘記了拍, 這樣難吃的早餐, 實在沒有甚麼值得好拍的。今天我們去西湖, 天氣十分好, 很曬, 很熱。氣溫依然38度。   長得很特別的一棵樹  很多白鴿, 可以買雀糧餵佢地 (忘記幾多錢, 但很平的), 佢地好醒架, 你冇野食, 佢地唔會乖乖企定定俾你影相!  經過依條小橋, 覺得好靚, 影番張大合照先! 雖然西湖真係好靚, 但係咁熱真係熱到冇咩興致影相:p 係咁易影幾張, 就站在碼頭等船到。   坐船遊西湖, 船上有冷氣真好, 可是講到拍照最美, 應該是船尾的露天坐位。 但係我地都懶到死, 誰也不願意走出涼風送爽的位置XD 最後只在船上隔著窗拍照。  這個叫做「靚女塔」, 有甚麼特別? 哈哈, 唔記得左  人民幣一蚊雞的景就是西湖中拍攝的了, 不過我miss左...  望過o黎影張相先啦~~  這裡就是中秋賞月最佳地點, 估下依度飲一杯茶要幾錢? 答案是400人仔!!! 點解貴得咁緊要? 因為就算你有400蚊, 都未必可以book到位。  我地都影下相先^^   話咁快就返到碼頭了  臨落船前, 我和A先生走到船尾影返張相先。 不過驟眼看, 都看不出後面是西湖。 西湖咁大, 乘一程船就當遊覽晒點都講唔通架哪! 西湖十景都不知看到幾多個! 下次一定要再來, 不過我會選擇春天。 乘完船就稍移玉步往附近的孤山公園, 看了秋瑾墓, 拍了許多荷花照。  沿途風景很優美  第一個很多荷花的景點  秋瑾墓  第二個很多荷花的景點  很清幽的環境  名歌妓蘇小小之墓  其實西湖很大, 還有很多景點未去, 不過我地冇時間了... 跟住我地去左梅家塢村嘆龍井茗茶。綠茶中之極品就是龍井, 其中以西湖龍井最為名貴。其次就是碧螺春, 第三就是盧山雲霧茶。  沿路看到一大片茶園    師傅的炒茶表演  中醫師的專業解說, 仲做埋實驗tim~~ 平時我地食野有時會產生「碘」, 而碘是代表著身體的毒素, 在人體中很難被分解的。而綠茶中含有「茶安芬」有解毒的作用, 可以分解碘。她加左一d 藍色碘酒(以前上化學堂用過)入某隻杯, 然後將龍井茶倒進去, 神奇o既事發生左, 成杯水由深藍色, 變作淺黃色, 「碘」的成分被分解了。  呷一口龍井, 啖啖茶香由舌頭鑽進喉嚨, 清香甘甜, 果然是綠茶中之極品。  果度買龍井真係抵, 香港起碼要千幾二千蚊斤, 但係而家只需用￥690就買到。 A先生同達達CODY夾份買, 每人分到一大罐, 都只是￥230。 因為我好少飲茶, 香港天氣潮濕又好難保養, 所以我冇買到。   甚麼是「雨前龍井」, 甚麼是「西湖龍井」, 我真係分唔到  離開茶館, 通常都會有d售賣手信紀念品等地方 在這裡竟然看到橡筋鎗玩具, 仲有丫叉tim! 在泰國"翟道翟"都見過, 不過依度平d! 飲完龍井就去食飯, 今餐幾好送, 有鴨湯飲。    食完飯, 就去「解放區」解放一下XD 跟住就去桐鄉飲菊花, 杭州的白菊花好出名, 用來開水飲有明目清熱的功效, 而且味道很清甜。我點解知? 因為我以前都飲過囉~不過三分鐘熱度, 飲過幾次就懶得沖, 結果成盒菊花SAI左! 所以今次我只飲不買。   其實真係幾好飲架~~ 下一篇 華東日全蝕之旅 Day2 (烏鎮水鄉+無錫) 感謝 AABB遊世界 提供以上資料 AABB遊世界的網誌: http://aabbhappytravel.blogspot.hk/ |
~END~
| 商店 | 杭州西湖 |