|
2/5 水泉澳飛來石
|
|
CATT
2012-05-02
1097
0
|
分享
收藏
| 2/5 水泉澳飛來石
踏入五月，天氣已非常炎熱，今早氣溫26-30度，濕度80%，大致多雲。行山龍今日到博康水泉澳探索飛來石，飛來石位於水泉澳山山坡，旁邊有一試劍石。
今早山友在金沙角大排檔飲早茶，9.50am齊人開始起步，12人出席，有球哥、華國鋒、蔡哥、志明哥、安哥、安嫂、dennis、古哥、烏蠅、馬王、馬騮呀哥&馬騮喵妹向水泉澳街向走到水務路旁有一山路上山，初段山路修築得吾錯，亦吾難行，再上就開始急斜，加上天氣好悶熱，山友都要慢慢上。飛來石位於水泉澳山山坡上，此石頗趣怪，幾個角度形態都不一樣，而飛來石旁則有一試劍石，分開看又似一隻大鼻卡通，探完石頭又要向上爬，走多幾個山頭回觀音山村，到觀音山村後再揀了一條小路下山，呢條山路未行過，都幾好行，輕輕鬆未到2點鐘又完成，山友再漫步到慈雲山中心飲下午茶。
下星期初擬走衛徑三部份路段，詳情待出告作實．
12人步向水泉澳街 今日天氣好悶熱 水泉澳街上的相思樹結滿花仔 踏過地盤，再步入水務車路 呢個就係今日要挑戰的水泉澳山 小蝶採花蜜 由水務車路旁小路上山，初段會經過幾個村墓 由山下望上飛來石及試劍石 博康山頂的地盤正進行得如火如荼 今日天色時晴時暗 天氣太悶熱，山友要邊行邊抖 飛來石 咁難得上到來，山友都要拍照留念 我推 幾隻快馬已經上到山坡大石上 水泉澳山 山頭己見嚴重侵蝕 呢個位再上要小量攀爬 山下的朋友好 天色陰沉，望向博康都只係灰灰的 合照時間 水泉澳山頂好多臭屁蟲 尖咀老鼠石 小白花 今日不斷要上上落落，天氣咁悶熱!都頗吃力 古哥拍張靚仔照 上完山又要落 望向大老山 靚靚小昆蟲 繼續上山 到電塔大休，柑桔係馬王由上海帶黎的手信，正呀 風水石 .. 桃金娘 好一片風水地 環境清幽 拍照佳選 呢段要密密腳，一停低呀蚊大哥又來襲 感謝 CATT 提供以上資料 CATT的網誌: http://catthui.blogspot.hk/ |
~END~
| 商店 | 水泉澳 |