東來順 - 四川福臨門 SeeWide

國慶3日假期, 前夕當然要食番餐慶祝吓. 襯住帝宛東來順嘅四川福臨門名廚菜式做埋9月就完, 今睌係最後機會我地當然唔會錯過, 今睌嘅菜式京川風味都有, 味道相當正宗, 四川嘅材料及調味料樣樣齊, 麻鮮香辣越食越濃烈惹味, 相當精釆.

今睌全場爆滿.

鹵水花生 - 加入四川式嘅風味, 不太辣, 零舍惹味.

龍井燻蛋($20) - 糖芯蛋黃香軟滑, 茶燻味不太濃.

燻魚($98) - 魚肉香酥入味, 好正宗.

手撕牛肉($98) - 川式嘅麻辣風味, 手撕牛肉口感豐富肉味濃, 送酒更加一流.

回窩肉($98) - 正宗川式嘅味道, 麻香辣濃烈惹味, 越食越滋味.

麻婆豆腐($98) - 把四川麻香中帶有辛辣嘅味道發揮得淋漓盡致, 比雲陽閣有更高水準, 送飯2大碗都絕對冇問題.

清湯開水白菜($88) - 麻香辛辣濃烈惹味過後, 要黎個清清地嘅湯水中和一吓, 此湯睇落平平無奇, 其實功序繁複, 用多樣材料燉煮再經多重過濾而成, 湯味道香濃, 津白腍嫩清甜, 配搭得而, 無敵嘅美味.

合桃酥($58) - 香甜鬆化, 口感豐富, 優質出品.

瀏覽人數 :

感謝大力提供以上資料

大力的網誌: http://www.daileghk.com/

~END~

商店	東來順 Dong Lai Shun (尖沙咀店)


(0)	(0)	(0)