XO醬牛脷($55) - 其實係鹵水牛舌上加一撮XO醬, 作為餐前小食都唔錯.




淮香白飯魚($55) - 比椒鹽淡口一點, 白飯魚肉軟腍但外皮唔夠脆口, 比較一般.





燒乳豬($180) - 即叫即燒, 皮薄脆口, 肉嫩唔肥膩, 高質數.





咕嚕肉($98) - 薄薄酸甜汁開胃醒神, 尚欠脆皮外層嘅火喉.





奇香生蠔煲($240) - 桶蠔軟腍屬大路貨色, 反而粉絲薑蔥九層塔配料都非常惹味.





砂窩蝦醬塘生菜($98) - 蝦醬好惹味, 但我就覺得鹹左D.





酥皮馬蹄糕($35) - 三種唔同嘅口感, 一次過滿足晒3個願望.


銀杏意米糖水 - 免費奉送, 清潤唔太甜, 勁正.



2-Mar-10 今晚係好日子所以要慶祝吓, 想食優質中菜就諗起新同樂與福記. 從末試過新同樂嘅睌飯, 所以今睌又黎呢度開餐. 原來日與夜都係用同一菜譜, 今晚依然都係坐好舒服嘅卡位, 今次嘅食物出品質素相當高, 尤其係砂窩菜式, 真材實料, 貨真價實, 冇得彈.


涼伴海蜇頭($55) - 爽脆有咬口, 高質素.





奇香將軍蟹煲($320) - 肉蟹勁香口, 鮮甜啖啖肉, 連下面嘅粉絲薑蔥九層塔都非常惹味, 全部都冇得留低, 天下無敵嘅好味.




生扣鴛鴦雞($200) - 新鮮雞起骨連冬菇雲腿上湯一齊生扣, 好味又易食, 雞皮爽肉滑啖啖甘香有雞味, 去骨雞翼滑溜入味, 有食龍穿鳳翼嘅感覺, 勁高質素嘅味道.





堯柱基圍蝦叉燒炒飯($128) - 生拆基圍蝦鮮甜, 堯柱同叉燒都腍香夠味, 菜粒炒飯乾爽唔油膩, 加埋就係超高水準嘅出品.




28-Feb-10 今次巳經係兩個月內第四次幫襯喇, 水準依然咁好, 每次都非常滿意. 依家就將全部食過嘅好菜式一次過 show 晒出黎嘅啦.




環境非常寧靜好同舒適, 我地每次都係坐好有私隱嘅卡位.





羅漢素粉果($30) - 皮薄餡料夠清爽.





香麻叉燒酥($35) - 薄薄酥皮包住濕潤又大片嘅叉燒餡, 超好味.





鮑魚酥($50) - 酥皮薄香鬆化, 裡面有大片鮑魚同野菌, 鮑魚味較淡反而野菌香味仲特出, 好味.


陳皮牛肉球($36) - 手切新鮮免治牛肉球食落鮮香有口感, 加埋陳皮香就更加和味無窮.


雙菇牛肉腸($35) - 金菇冬菇加埋新鮮牛肉絲, 勁正.

 


叉燒腸($30) - 大片半肥瘦叉燒, 加D甜豉油, 真正冇得彈.


叉燒包($30) - 賣相靚, 爆皮不露餡, 皮鬆香軟熟, 餡多有汁, 高水準.





梅菜王扣肉包($30) - 包皮香軟, 扣肉鬆化甘香肉味濃, 包住食唔覺肥膩.





鹹水角($36) - 皮脆肉軟餡料香, 唔油膩, 高水準.





荷葉飯($30) - 新鮮荷葉香味滲入乾身嘅堯柱,火鴨,帶子,蝦,冬菇肉粒炒飯內, 同福記不相百仲.


上湯焗海中蝦伴煎麵底($68) - 賣相精緻每位上, 游水海中蝦鮮甜味美, 煎麵底唔油膩, 仲香脆到出奇.





艇王炒蝦子麵($118) - 即蝦乾蝦仁干炒蝦子麵, 生拆基圍蝦味鮮甜, 蝦乾腍香惹味仲拆埋殼, 真係好細緻,  蝦子麵炒得乾爽唔肥膩, 超高質素嘅味道.





砂煲奇香生焗乳鴿($120) - 打開就巳經香氣撲鼻, 新鮮乳鴿肉甘香鮮嫩. 連九層塔粉絲底都食個清光, 等半個鐘都值得.


鮑汁鵝掌炆意大利麵($138) - 鮑汁鵝掌扣得香淋軟滑, 每條意大利闊麵都掛滿香濃嘅鮑魚汁, 又做到爽口Al Dente.





27-Dec-09昨日行經美麗華商場, 見到結業巳久嘅魚翅城換了新同樂, 立刻第朝就黎幫襯飲茶. 環境寧靜同舒適, 仲有D好有私隱嘅超正卡位, 出品高水準, 服務就恰到好處.




小食($20) - 焗腰果, 少鹽少油, 非常香脆好味.





蝦餃($40) - 細細隻跟足傳統11摺, 以上湯取代豬肉, 蝦同筍都好鮮味.


金包銀絲腸粉($40) -  以蘿蔔絲, 雲腿,竹笙同腐皮做餡. 香脆好味又唔熱氣.





火腿焗燒餅($35) - 鹹香好味道.





煎蘿蔔糕($30) - 香口軟熟, 食到蘿蔔嘅甜同臘味嘅香.


XO醬干炒牛河($98) - 味覺上好似冇落到XO醬, 但炒得好乾身同好惹味, 新鮮牛肉冇用梳打粉零舍好食, 係一碟高質素嘅干牛河.



瀏覽人數 :