iSquare 20樓對上的全是食肆, 試過幾間都各有特式, 全部都有一流嘅觀境, 環境一定攞滿分. 不過論價錢同食物質素, 黎呢間不倒翁飲茶都算係好好嘅選擇. 初時都覺得去火窩店飲茶有D九唔搭八, 冇嘜信心. 但見佢新開張有蝦餃皇同糖水送, 今日訓晏左都Book 到位, 放膽一試, 12:30PM去到冇嘜客, 安排左我地坐窗口卡位, 陽光普照加全海境心程大靚, 特別開胃, 點心賣相精緻同好味道, 招牌籠仔蒸飯更加滋味, 2個人食Lunch貳佰零蚊都算合理. 原本襯住仲末太多人知都要黎多幾次, 但第四次黎時已經多左好多客人, 冇訂坐嘅都要等位喇.
環境清靜舒適, 觀境開揚, 有270度無敵大海景, 今日仲睇埋國際龍舟比賽添.
名鑄同剛開嘅TheOne都盡入眼簾.
蝦餃王 - 免費奉送, 超級大隻, 一啖食唔晒.
牛肉腸($23.80) - 皮軟滑餡料夠豐厚, 食到牛肉鮮味.
帶子腸粉($33.80) - 帶子餡超鮮甜.
潮州粉果($18.80) - 餡料細緻同好味道.
碧綠菜苗餃($28.80) - 蝦肉多過菜苗, 好豐富.
杏仁炸荔芋球($23.80) - 有別於一般芋角, 杏仁片取代蜂巢更加香脆, 有創意.
賽旁蟹春卷($28.80) - 新鮮即製夠香脆, 蛋白(賽旁蟹)量不多, 同蝦春卷不大分別.
陳村粉蒸排骨($28.80) - 看似平淡, 其實肉味鮮香, 陳村粉卷成腸粉狀都算又薄又滑.
XO醬蒸魚雲($33.80) - 火窩店嘅魚雲一定超新鮮軟滑, XO醬+豉汁更能帶出鮮味.
煎蘿蔔糕 ($23.80) - 質素比較一般.
炸腐皮卷($23.80) - 香鬆脆好味道.
灌汁小籠包($23.80) - 包頂比較厚硬, 入口肉汁鮮甜味濃, 用錫紙兜可以預防食時穿漏, 幾有心思.
椒鹽鮮魷($38) - 椒鹽蒜蓉勁惹味, 魷魚香鮮軟熟.
銀杏腐竹豬肚湯($38) - 材料優質豐富, 每樣都新鮮好味.
清湯蘿蔔牛腩($38) - 湯底香滑, 牛腩腍嫩, 蘿蔔清甜冇渣, 超高質素.
帶子海皇泡飯($58) - 堯柱勝瓜帶子同勁多蝦仁粒粒, 清淡之選.
魚湯龍躉片米線($38) - 五大片龍躉肉鮮甜魚味濃, 龍躉皮爽韌有咬口, 膠質豐富, 真材實料.
魚湯蝦滑米線($28) - 蝦膠爽口彈牙鮮味, 湯底香滑腐竹味濃厚.
醬爆豬雜炒麵($78) - 冇嘜醬爆風味, 但豬雜勁新鮮味美, 麵底香脆唔油膩, 高水準.
籠仔鮮雞蒸飯($128) - 招牌嘅籠仔蒸飯, 新鮮雞嫩滑有雞味, 炒飯底粒粒甘香, 金針雲耳紅棗冬菇杞子等配料豐富, 滋味無窮.
迷你馬拉盞($23.80) - 豆沙餡, 清香甜.
蕃薯糖水 - 蕃薯夠晒清甜腍香.
綠豆沙 - 香草海帶夠清潤.
蓮子紅豆沙 - 蓮子鬆化, 紅豆煲到起沙火喉足, 高水準.
清補涼 - 清潤之選.
瀏覽人數 :
感謝 大力 提供以上資料
大力的網誌: http://www.daileghk.com/
|
