01-Jul-08今日回歸紀念日假期, 上午就到有國宴點心食的天澄閣飲茶, 發覺跟上二次的不同. 國宴點心欠奉, 小食檔已沒有, 粉麵餐牌也改變了, 出品比之前的差, 像完全變了另一家酒樓似的, 相信今次可能是最後一次到這裏用膳了.
魚米餃-餡料好復雜, 好似一碟什錦炒米粉, 完全吃不出什麼特別的味道.
叉燒腸-皮薄餡靚, 保持水準.
蘿蔔絲蝦餅-蘿蔔絲幾甜, 可惜墨魚膠比例太多, 吃不出蝦餅應有的味道.
竹笙百花卷-應該叫竹笙墨魚膠, 而不是百花所指的蝦膠, 也不是用卷的做法.
木魚海鮮薄罉-沒有薄罉應有的口感及味道.
馬拉盞四季豆叉燒炒飯-食落淡口, 蛋與飯分開炒, 沒有馬拉盞的香口惹味感覺.
25-May-08位於紅磡海景酒店, 因為早前飲食雜誌介紹過他的國宴點心, 所以就去一試. 今次已是第二次去, 店內裝修唔錯, 樓底高而且觀境靚. 點心同其他出品都唔錯, 衹是地點比較隔攝, 交通不太方便.
鮮蝦腸($18)-皮薄餡靚.
牛肉腸($16)-餡料充足.
國宴點心-鍋塌素珍$16-好薄嘅腐皮包著D什菌, 夠灑清淡.
國宴點心-漁虹飄香$16蘿蔔魚茸餡, 有D似炸雲吞.
國宴點心-雄雞起舞$16-脆肉瓜, 沙葛,蝦米菜甫餡, 口感像粉果.
雞球大包($16)-懷舊點心, 材料豐富, 其實個包可以再大個D.
豬潤燒賣($16)-呢款就麻麻地啦, 豬潤大薄同蒸老左.
蘋果叉燒酥($20)-皮薄餡料多而濕潤.
欖仁奶皇千層糕($16)-香甜軟熟.
南乳花生炆豬手($32)-炆得香腍夾入味.
燒乳鴿($38)-香脆可口, 肉嫩甘香.
冬瓜粒海鮮湯飯($38)-靚上湯底, 海鮮有蝦, 帶子,魷魚同斑片都好鮮甜.
瀏覽人數 :
感謝 大力 提供以上資料
大力的網誌: http://www.daileghk.com/
|