泰國菜館在九龍城開到成行成市, 但合心水嘅就唔多, 自同心變質後都好耐無喺九龍城食泰菜, 新開不久嘅昭拍耶就令我非常驚喜, 呢度用料新鮮, 做法正宗, 價錢實惠, 午餐四十零蚊碟頭飯有飲品同甜品更加超值, 係一間令人回味同驚喜嘅泰國菜館.

 

裝修簡潔夠光猛.



龍眼冰同青檸梳打係食泰菜嘅最佳配搭.




炸蝦餅拼魚餅, 午市套餐加$18就有一款, 蝦餅好鮮味, 香脆彈牙, 魚餅軟熟, 檸檬葉令魚味更突出, 正宗泰國風味.



香葉辣椒肉碎煎蛋飯($45), 肉碎炒得香辣惹味, 加燶邊荷包蛋, 蛋汁豐富, 送飯一流, 正宗泰國地道碟頭飯, 味道天下無敵.




青咖哩雞扒飯($40), 青咖哩香濃不太辣, 煎雞扒香口啖啖肉, 滋味無比嘅碟頭飯.




泰式炒金邊紛($42), 金邊紛炒得干爽, 蝦球新鮮味美, 有大量配菜同花生碎, 再加幾滴泰國辣椒魚露, 好食到冇朋友.

椰汁南瓜西米露, 飯後甜品, 椰香味濃不太甜, 做得非常出色.




泰式涼粉, 口感爽滑透心涼.



晚市菜式同樣優質, 口味正宗.

青木瓜沙律, 青木瓜爽脆, 加烤花生同蝦皮再淋上酸辣沙律汁, 非常開胃.





泰式鳳爪, 無骨鳳爪夠爽脆, 醬汁勁香辣醒胃.


 

煎魚餅, 入口軟熟, 檸檬葉令魚味更突出, 正宗泰國味道. 

燒原隻魷魚, 好有燒烤風味, 魷魚入口軟熟, 鮮味無比.

泰式炒通菜, 通菜夠清爽, 加豆醬炒得好惹味, 正斗.

冬蔭公, 細份都用火爐上, 以原隻大頭蝦煮成, 用料正宗, 味道酸中有辣, 越飲越滋味.

南瓜焗海鮮飯, 材料豐富, 青口魷魚同蝦, 南瓜焗到軟腍香甜, 令每口飯都香甜味美, 優質出品.

感謝 大力 提供以上資料

大力的網誌: http://www.daileghk.com/