陵發 - 隱秘打冷店 SeeWide

地點都幾隱蔽嘅陵發, 祇做打冷, 沒有廚房小菜同炒粉麵都可以每晚座無虛席, 全憑用心黎做, 打冷食物都係每日新鮮製作, 絕不馬虎, 難得嘅係經營數拾載都保持水準. 每樣試過嘅出品都好滿意, 可愛嘅係Menu好簡單同埋冇價錢, 但係每位平均消費都唔過1佰個大洋, 非常合理.

地點隱秘, 就係以前浴德池後面, 每晚未到7點已經滿坐.

蜆仔肉 - 鮮嫩軟熟又冇沙, 送粥送飯都一流.

灼韭菜花 - 用鹵水汁比落油更加好味, 韭菜花入口幼嫩冇渣, 好優質.

花生雞腳 - 先炸後炆, 香淋入味.

花生豬手 - 豬手夠淋, 骨同肉好易分開所以好易食, 仲好惹味.

枝竹火腩 - 送飯送酒都唔錯.

鹵水鵝片 - 鹵水香醇, 夠味又唔太鹹, 鵝肉鮮嫩, 連花生豆腐都好出式.

大眼雞魚飯 - 魚肉仲好軟熟同唔太乾身, 新鮮好味.

煎餅 - 半煎炸形式, 仔肥大鮮味, 有食酥炸生嘅感覺, 正.

瀏覽人數 :

感謝大力提供以上資料

大力的網誌: http://www.daileghk.com/

~END~

商店

陵發潮州白粥


(0)	(0)	(0)