29-Aug-08今日下午想去九龍城街市買餸, 自然又再去樓上開餐, 除了到樂園飲鴛鴦紅豆冰, 食布拉腸粉, 水餃麵之外, 今次仲食埋泰國菜嘅辣椒肉碎飯, 仲有食左好特別嘅沙爹牛肉西多士, 咸中帶甜, 別處一定食唔到.
辣椒肉碎飯($39)-香辣好味.
沙爹牛肉西多士($19)-好特別嘅配搭,咸中帶甜, 好味道.
28-Jun-08今日下午再想去九龍城街市買餸, 自然又再去樓上樂園食奶茶紅豆冰, 同埋上次都己經想食嘅鮮茄牛肉飯, 仲有食埋另外一檔嘅即拉牛肉腸.
07-Jun-08今朝起身開電視睇之際, 發覺原來黑雨, 無端端有半日假, 連埋星期一就一共有3日假期了. 開心之下就襯住冇咁大雨時去九龍城街市買餸兼食野. 街市3樓熟食檔內有多間食店都好有水準, 以前去就一定係食泰國野, 今次試了另外2檔都好價廉物美.
樂園招牌下的字畫乃出自蔡瀾手筆
樂園-奶茶紅豆冰($16)-香滑奶茶加埋D紅豆沙, 仲有大大粒紅豆, 好飲又好食.
樂園-沙爹牛肉麵-新鮮牛肉, 冇用梳打粉醃過, 加埋惹味嘅沙爹汁, 超正.
鮮茄牛肉飯($30)-厚肉蕃茄加新鮮肉味夠嘅牛肉, 好有水準.
馬仔-牛腩河($12)-牛腩用傳統柱侯醬黎炆, 香腍入味.
馬仔-水餃麵($12)-水餃用北菇,豬肉同蝦做餡, 有好香嘅菇味同蝦嘅鮮甜味, 一流.
馬仔-腩汁菜芯($10)-即叫即做, 新鮮爽脆.
即拉牛肉腸($10)-腸粉皮滑, 牛肉餡料夠厚, 好味道.
瀏覽人數 :
感謝 大力 提供以上資料
大力的網誌: http://www.daileghk.com/
|
