近期城中熱點係位於灣仔嘅新開西班牙餐廳Catalunya, 原因乃主廚(Alain Tolosa)層任職於前份子料理(Molecular Gastronomy)發源地, 西班牙餐廳el Bulli. 呢度晚餐訂座要超過壹個月, walk-in就要坐bar枱同衹供應 Tapas, 我地原本訂了6月22日作慶祝結婚26週年之夜, 但因臨時有事取消了有點可惜, 得知他們開始提供週日早午自助餐(Sunday Brunch), 趁唔係太多人知, 當然要去試吓先啦, 每位$590加多$230就可以任飲傳統嘅西班牙生果酒(Sangria)同氣酒(Cava). 主廚將傳統與創新發揮得淋漓盡致, 試左多款Signature Dishes 嘅 Tapas 同 Main Course, 價錢物有所值, 員工服務態度好好, 個個都笑面迎人, 氣氛輕鬆同悠閒, 一個食得非常開心同相當精釆嘅Sunday Brunch.

地點都幾隱蔽, 要用GPS先揾到.

裝修好有特式, 我地坐大堂正中. 坐底後有專人講解今日嘅主菜同上菜情況.



第一時間攞飲品, 4款免費飲品都各具特色. 粉紅色嘅Red berries & Vanilla Smoothie, 香滑味美.



Watermelon & Lemon Juice, 酸酸甜甜, 開胃好飲.

Pa Amb Tomaquet 即欖油蕃茄多士, 入口勁鬆脆, 清甜蕃茄蓉加橄欖油香味, 非常出色.



 

生蠔由法國空運到港, 空運標籤同包裝可以証明到佢係超新鮮, 入口鮮甜爽脆, 海水味濃郁, 超優質.  

肥美嘅法國生蠔一定要encore, 尚有原產自西班牙嘅煙蠔(軟熟鮮香), 煙鯖魚(煙燻味香濃, 魚肉鮮味), 煙鰻魚(鹹香鮮味),  煙三文魚(甘香油份足), 滋味到極.


 

Deconstruction Omelet - 用杯上嘅Spanish Tortilla 非常有趣, 用羹由上至下, 有泡泡,甜椒同洋蔥粒粒, 口感獨持嘅份子料理菜色, 正斗.

Iberico Ham 同 Cod Fish Esqueixada 係呢度嘅Signature Dishes, Iberico Ham 乃西班牙黑毛豬風乾火腿, 手切厚度剛好, 入口鹹香中帶有回甘同橡果香味, 非常高質素, 令人一試難忘. Cod Fish Esqueixada, 鱈魚沙律, 傳統加泰隆尼亞小食, 洋蔥橄欖蓉令鱈魚更鮮味, 經典之作. 白露筍爽口多汁, 清甜中帶點苦, 伴荷蘭汁就係最佳嘅配搭. 仲有酸味突出嘅椰菜漬物勁爽脆. 而Blue Cheese 就羶到有D頂唔順. 

白露筍要encore再encore. 三色蕃茄沙律顏色鮮明好特別, 香甜多汁. 沙甸魚沙律有甜椒同茄子, 軟熟鮮甜. 煮鵪鶉入口帶有野味嘅感覺. 鯷魚(Catabrian Anchovies)鹹度適中, 肥美芳香, 優質貨. 牛肉 Tartar 腍嫩有牛肉味, 相當精釆.





Mango Passion Fruit Smoothie, 果香味濃, 香甜滑溜好好飲.



 

Coconut Madrid, 入口椰香味濃似 cocktail 中嘅 Pana Calada, 一流嘅特飲.





食左1小時後, 員工開始拍掌起哄, 原來係上主菜嘅時間到, 第一道主菜係Grilled Suckling Pig Segovian Style, 烤BB乳豬乃西班牙名菜, 亦係呢度嘅signature dish, 用兩星期大嘅BB乳豬, 低溫慢煮16小時後再以焗爐將豬皮焗得香脆可口, 傳統加份子料理嘅做法, 平面開邊奉上令人大開眼介.


 

用碟就可以將乳豬切開, 名副其實皮脆肉嫩可想而知.

切件後侍應會將瓷碟擲落地成碎片, 有專人把碎片清理, 真有趣.

Grilled Suckling Pig Segovian Style 烤BB乳豬, 皮脆肉嫩多汁, 口感軟滑味道甘香, 肉味較淡, 必食名物.


 

第二道主菜係Grilled Veal Shank, 烤牛仔膝原條上, 氣勢不凡, 再由專人切件上碟, 好有氣氛.


 

精華所在係條腿骨中軟滑啫哩狀的骨髓.

Grilled Veal Shank, 烤牛仔膝好有燒烤風味, 肉香嫩有肉汁, 夠juicy.



 

第三道主菜係Grilled Lamb Shoulder, 烤羊腿超巨型, 肉質嫩滑, 帶肥膏嘅肉有小小羊羶, 係好羊者嘅必食名物.



 

第四道主菜係Salt Crusted Whole Seabass Fish, 海鹽焗海鱸魚.  侍應在海鹽上淋上烈酒, 用火一點即燒著, 火光熊熊, 氣氛十足.



 

侍應將個海鹽殼續一弄開, 把鱸魚起皮去骨, 然後將鮮嫩魚肉上碟, 手法清脆俐落, 非常熟練.


 

Salt Crusted Whole Seabass Fish, 海鹽焗海鱸魚, 肉質軟熟嫩滑, 海鹽焗做法令鱸魚充滿海洋鮮味, 令人回味無窮.


 

Bikini - Iberico Ham Cheese & Black Truffle Sandwich, 外脆內軟, 配搭得而, 口感同味道都一流水準, 十分滋味.

 

崧子煮雞肉, 西班牙家鄉風味菜, 雞肉軟腍入味.


 

蘿蔔扁豆煮西班牙香腸, 又一西班牙地道家鄉菜系, 香腸肉味濃郁, 蘿蔔扁豆入口即溶.


 

再過一陣就係甜品 show time, 由廚師將每款甜品經過每枱客人面前, 好有氣氛.

Show time後將所有甜品放在 buffet 枱上任由客人自行挑選, 色彩繽紛, 見到都開心. Fruit Salad, Sponge Cake, Carquinyolis, Churros Con Chocolate, Crema Catalana, Red berries with Juice, Xuxos & Tarta Santiago等等, 超級大滿足.

Fruit Salad, 多款生果放入真空袋內把空氣抽走, 然後加入不同味道, 令菠蘿有肉桂味, 蘋果有薄荷味, 西瓜有Sangria酒香味, 羹上的似芒果但帶有奶皇味, 真有趣.

Red Berries with Juice, 自己加 creme, 雜莓果味香濃.


 

Crema Catalana, 果仁香脆好味, 燉蛋軟滑香濃.


 

Xuxos, 似忌廉奶油酥卷, 外脆內軟, 占上沙糖同丁香, 食落幾特別.
Tarta Santiago, 似杏仁蛋糕, 軟熟香甜.

感謝 大力 提供以上資料

大力的網誌: http://www.daileghk.com/