勝香園: 再訪鐵皮屋 SeeWide

勝香園 Sing Heung Yuen

地址 :

中環美輪街2號排檔

電話 : 2544 8368

是日特登左勝香園潮聖，皆因上次黎吃了閉門羹
係星期六下午黎到，出現左一條多達二三十人既人龍
雖然要係大熱天時要係街度等都真係幾辛苦，再加上路上有修路工程，等待環境都在優，但為左食蕃茄麵都要先苦後甜吧

幸好等左三十分鐘便有位了，當然以鐵皮屋子黎講，並沒有奢求有多舒服既環境，甚係連冷氣都無，搭檯亦係少不了既。係等位既時候已諗好要食咩，要食未試過既碎牛蛋麵，檸蜜脆脆，咸檸七

碎牛蛋麵：一碗上檯時香氣逼人既麵食，有小驚喜既地方係點既雖然係碎牛蛋麵，但仍有幾片牛肉係麵中，牛肉係呢度既招牌，的確，牛肉很稔，同茶餐廳既牛肉截然不同，不錯；

更欣賞既係碎蛋牛肉既蛋，蛋很新鮮嫩滑，部分位置更係呈半凝固狀態，配合有鹹香既碎牛肉，滿意；公仔麵亦係簡單好吃的，很有咬勁，亦不會有像泡了水般；蕃茄湯底應是賣點吧，用既係鮮蕃茄，茄肉很豐富, 跟星座冰室有異曲同工之妙

檸蜜脆脆：招牌, 但相信爐係有限既,所以要差唔多食完成成碗麵,再多一陣既時侯,先上檸蜜脆脆; 分量算很不少, 檸蜜脆脆既烘得金黃色,咬下去很香脆鬆化, 還有微酸既檸香,但稍嫌其中一塊連中間部分都太過脆,爭左啲麵包既鬆軟
順道一提,裝住食物既藍色碟子很可愛呢!

咸檸七:一個很港式既飲品,有已督既酸梅同檸檬,附上一樽大既七喜,可自己湛
酸梅味很重,味道幾特別, 充滿懷舊風

消費:$52

=============================================

感謝 Iki 提供以上資料

Iki的網誌: http://ikiyeung.blogspot.hk/

=============================================

~END~

商店	勝香園 Sing Heung Yuen


(0)	(0)	(0)