哈哈，經過忙完一輪後，終於的起心肝寫下遊記啦～！！（一邊寫一邊勁想去旅行）

話說上年十月尾 ，我跟寶先生再次出走到我們最喜愛的旅遊熱點 － 日本 (^ ^)

對!!又是日本..我總係逃不出呢個國家咁..XD

而我地今次去的地方包括博多、熊本、湯布院、阿蘇~

本來還想到宫崎和鹿兒島，

今次旅行寶先生沿路都有拍片，仲剪輯左兩集遊記短片添...

如果唔想睇文字遊記，而又唔介意我地第一次自家制作無聊粗疏的話

而文字版亦都開始入正題啦～！

我地出發前做足機票搜集..有搵過台灣轉機 、直航...

經過一籃子的考慮後 ，都係擇港龍直航機..價錢雖然係貴D ，

但可以慳返1日時間早D到步~

如果有假期..又想玩埋台灣既，就不妨諗下長榮航空係台灣轉機去福岡~

而最近香港快運都開左福岡新航線 ，價錢看似都幾抵 ，令我又想飛多轉呀!!!

我地最後選擇左呢一套來回機票

香港 / 福岡   KA386   11:10 / 15:15

福岡 / 香港   KA381   16:15 / 19:10

約3個幾鐘機程就到達啦!

從福岡機場出巿區既方法，就係先乘搭免費接駁巴士

先由國外線大樓(落機機場)前往國內線大樓轉乘地鐵以及其他交通工具往巿區~

至於乘車方法非常簡單，只要一踏出機場門口就會見到接駁巴士站~

抵達國內線大樓就可以轉搭其他交通工具去你想去的地方，

而我們就選擇坐地鐵由福崗空港前往是次旅行的主要落腳點 — 博多

由空港站去到博多只需5分鐘 ，太好了~

由於飛機Delay..再等埋行李..去到博多站都差唔多5點幾..

所以第1日主要都係酒店附近行下，熟習下個環境先~

而7日6晚入面，我地會以博多為落腳地（唔想拎住啲行李轉黎轉去）

喺博多住5晚 The b Hakata 酒店

有1日住到湯布院留一晚住溫泉旅館(遲D分享)

而我地入住既係一間雙人房，房間設計簡約整齊~

設備齊全，每間房都收到WIFI

雖然睇落好似好細間，但仍然有足夠既空間可以俾我地兩個同時打開晒兩個喼

唔洗拎少少嘢都要搞一輪

而浴室方面就有一個可以一個人浸浴既浴缸~

雖然DELAY再加埋安頓好後時間已經唔早...

但係我地仍然把握時間，四周圍行下，了解下有咩好食同好玩啦~

沿路行返去頭先經過既竹下通飲食街~

呢道食既、行既、玩既通通一應俱全~

由於經常聽到人話博多拉麵出名，所以喺眾多既食物中我地揀左食拉麵

食飽飽之後就梗係散下步啦~

平時喺香港散步就揀公園同海旁，黎到日本散步就梗係揀行商店啦~哈哈哈

我地去左呢一個大型既商場只係行一轉….已經令人忍手忍得好辛苦啦!