今天終於放假, 可以去深水埗試《豆花妹撈米線》. 到達時間為下午16:15, 嘩!! 人龍已經一直伸延入福榮街, 老闆張超, 麥泳豪 及另外的4名同事正準備一切, 我問問女店員:「係米未開始賣 ?」女店員答:「4點半先開始」.

數一數人龍約40人, 無聊的我走去問問排頭位的兩位女同學等待了多久, 束孖辮的女同學答:「4點零五分就企係E度」人氣果真犀利, 可以吸引得同學們願意排隊30分, 為的只是一碗米線.

人龍中推著BB車的為數也不少, 排隊等候時間較想像中快, 大約10分鐘便到達揀米線付款的步驟, 等待時有甚麼可以打發時間呢 ? 自拍應該是最往的解悶方法吧.

原來, 豆花妹的Facebook每星期也供網友於108款小食中投票, 最多人揀的四款, 就會自動成為當周的小食, 今個星期的$5元小食為 四季豆, 雞翼, 豆腐, 豬耳.

我問店員那一款不辣的呢 ? 她說只有雞翼, 其餘的都辣, 其實, 我真的不能辣於是就點了少辣豆花撈米線, 再加雞翼及四季豆. 店員:「加$5蚊有一罐青檸汁, 好食好多架」怕辣的我當然一定要有涷飲解辣吧. 於是今天的下午茶一共盛惠$30, 兩餸米線加凍飲, 價錢化算喎!!

付款後再往店舖另一邊等待「叫飛」, 「上碗」時間也很快, 大約3分30秒左右.

在等待「上碗」時, 旁邊涼茶店的姨姨笑笑口說:「唔好意思, 介唔介意排開少少, 因為阻住咗個檔口, 新開張就梗係多人, 不過我哋就一個客都無」哎呀!! 聽這句我心有少少不好意思, 於是我用$7光顧了一碗野葛菜.

取麵時多口的我問問老闆上午賣出多少碗米線呢 ? 老闆:「200碗左右, (與往日比較呢 ? ) , 每天也差不多」 我今天的單號是262, 我問:「即係我係第262碗 ?」店員:「唔係咁計!!」當然! 因為有人一買就買兩碗或三碗, 有客人專誠駕車來買呢!!

在場有學生購買米線後, 就即場在店外進食, 我忽然想起, 若然我不想站在店前吃米線, 我應該可以在那裡進食呢 ?

環顧四周, 我想到走前3分鐘, 去到嘉頓麵包旁邊的青山道休憩公園坐下來慢慢吃吧!! 原來並不是我有這種想法, 因為一早已經有朋友一邊吃米線一邊談天說地.

今次是我第二次食雲南豆腐花撈米線, 第一次於新浦崗《雲南人家》, 我點的是德勝豆花餌絲 $27, 餌絲不能與米線比較, 但豆花則以新浦崗的比較滑一點. 豆花妹米線內的食材有蔥, 肉碎, 芫茜, 醃菜, 花生, 豆腐乾, 另外, 額外配菜的雞翼有三隻, 單骨雞翼, 略嫌瘦了一點.

雖然我點了少辣, 但可是因為麻的關係, (我第一次知道如何分辨麻與辣), 當我吃至第4口的時候, 我的舌頭及上額已經麻得有少震震裨, 頭也不停冒汗, 感覺還挺特別, 不過再多吃數口, 我開始忍受不住麻與辣的感覺, 加上我的解辣好幫手青檸汁已經喝光, 所以, 今天唯有浪費了5份1碗米線.  看來, 我這個不能辣的人, 下次要問一問老闆可否全「走辣」了.

PS: 其實店外貼著「每日只賺$700」, 營業時間下也寫著「售完即止」, 不過, 當日兩位老闆在電視上說:「愈多人食, 售價會愈平」, 這個邏輯是否有自傷矛盾呢 ?

PPS: 大家記得《平價的野心》的營業時間：中午12:00 - 下午2:30 下午,4:30 -晚上 9:00, 避免摸門釘吧!!

PPPS: 兩位老闆實在太好人, 明明忙於煮米線, 當我要求合照時, 立刻停手幫我, 認真唔話得.

 新浦崗《雲南人家》:http://www.seewide.com/space-article-id-91459.html

Facebook : https://www.facebook.com/hayakutang

http://dayanlife.blogspot.hk/2014/03/blog-post_20.html