Mia早幾日同朋友們去左食一年一度既大閘蟹宴，
 到左呢個時候，大部份中式食肆都出左大閘蟹宴作招來，
今次去左樂雅軒試下!
地址:油麻地窩打老道23號城景國際1樓




冰震皇帝鮑片其實冰震唔到d鮑片，其實又無咩特別，唔韌鹹鹹地!

蟹粉什菌米網盞 好鹹好鹹既一碟什菌!又係無驚喜!

玫瑰話梅蟹肉羹
玫瑰味就一d都食唔到，只有一陣陣既酒味，
點解點解今次食左幾味都未有一味滿意! 

紫蘇蒸大閘蟹(五兩)
主角大閘蟹出現了，都幾多膏幾好味，但Mia點都唔會相信佢有五兩重，
三兩都比多佢!

仙骨湯津膽浸斑球
個師傅係唔係口味重既北方人黎嫁，碟碟菜都偏鹹，

黑松露醬遼參炆雞
一直食既時候都唔會為意係黑松露醬，仲以為係黑椒汁，
睇番餐牌先知道!雞真係炆得好(鞋)，

雙蝦菜飯
又乾又硬，食左兩啖已經無食了! 

圓肉桂花薑茶
都夠辣，係表現第二好既菜!
總括黎講樂雅軒不但服務差程(驚死我地無錢比甘)，
菜與菜之間相差時間真係好遠，由餓食一碟之後又等到餓番，
加上菜式味道亦大多未達水準，
雖然有些菜式係整得幾精緻Mia十分唔推薦!!

============================================

感謝 ka_mia 提供以上資料

ka_mia的網誌: http://kaandmia.blogspot.hk/

============================================