|
福建、臺灣美食 @ 八月芳
|
|
事頭婆
2014-04-15
821
0
|
分享
收藏
| 响香港可以食到福建、臺灣菜嘅地方唔多。最近美心集團就製作咗一系列福建、臺灣兩地嘅美饌給大家品嚐。
當日我就試咗佢幾款嘅小食、主菜加甜品，當中還有其他精緻嘅小菜未能品嚐，一定要找機會再去食。
先嚟嘅三款小食用來配酒簡直係一流，一口小食、一啖酒，滋味無窮。
福建佛跳牆內豐富嘅材料，有鮑魚、乾貝、花膠、海參、白鴿蛋等，用咗多個小時隔水燉煮而成，味道鮮甜、滋補養顏。
肉質脆嫩鮮甜嘅泉漳炒海蚌
提起福建菜，大家會想到咩呢？福州魚丸，相信大家無食過，都一定聽過。這道汆湯魚丸燕皮扎，燕皮扎以豬肉混薯粉拍打而成，再加上爽口嘅福州魚丸。
古祖樹子蒸桂魚，味道甘香、微帶酸味，帶出咗嫩滑桂魚嘅鮮味
山地土窯燒雞以鹵水浸泡，再以慢火細烤，
不單皮脆還帶出鹵水嘅香味，而雞肉仍能保持嫩滑
老兵生煏君子菜，亦即係苦瓜。雖然我唔鍾意食苦瓜，但都試食咗幾片。食後感係白苦瓜比綠苦瓜嘅味道較清，亦無綠苦瓜咁苦，即係大家所講嘅甘味。
這碗台南擔仔麵，個人認為肉燥味未夠濃味
元祖胡椒餅 ~~ 可能個人比較食得辣，如果佢嘅胡椒味再重啲，就更好喇！
最後嘅薏仁芋圓珍珠爽甜品，給一個美滿結束。
其實除咗以上嘅美食，還有好多款福建、臺灣小菜值得大家去試。最重要嘅係佢價錢一啲都唔貴，絕對可以用物超所值嚟形容。這個福建、臺灣美食會提供至五月底，大家想食就要快去訂位喇！
感謝 事頭婆 提供以上資料 事頭婆的網誌: http://pamdinningtable.blogspot.hk/
|
~END~
| 商店 | 八月芳 Xi Yue |