|
盛夏鮨会席 @ 今佐日本料理 IMASA
|
|
事頭婆
2013-07-30
835
0
|
分享
收藏
以前好鍾意同我 Honey 齊齊請半日安，去食high tea行街，望住旁人趕著同時間競賽，但自己就可以好清閒咁坐响樹望住佢哋趕喉趕命。還記得對上一次嚟半島，係同 Honey去 The Lobby 食 high tea set。
今次嚟半島唔再食 high tea，係食我喜愛嘅日本菜 ---- 半島今佐。睇過我翠亨邨個 blog 嘅朋友都知道，我係唔好食魚，但 sushi, sashimi 就另作別論，任何日式嘅魚類我都食，唔單止食，仲要係愛食。
享用美食之前，當然要先嚟一杯餐前飲品。。。綠茶就當然更唔少得啦
先嚟一個前菜 --- 北海道甜粟炸餅 62ºC 温泉玉子海鮮梅素麺，個甜粟炸餅一啲都唔油，炸得剛剛好。食完一個炸物，再食個素麵，完全係一剛一柔嘅感覺。
食下一道菜前，先嚟一杯大吟釀飲下先。完全唔難入口，好純。。。唔覺唔覺飲多幾杯，可能好易醉。
飲過啖酒，嚟個油甘魚配青唐柚子風味醬，油业魚配呢個柚子醬，別有一番風味。 食完個 sashimi，嚟個熱吃日本温室蕪菁配薩摩鶏，這個薩摩鶏俾我一個吃中餐嘅感覺，但比中餐嚟得精緻
上道菜嘅時候，我仲以為係玩緊魔術，定係要我估下裡面係咩食物先俾我食。原來錯哂，皆因這是蘋果木煙燻銀鱈，當這個夢幻玻璃球打開嘅時候，就會有如幻似煙咁飄住出嚟。第一下食落去嘅時候，佢個皮仲有少少脆架！這件魚，我食得好開心，我真心喜歡食日式魚架！
我完全覺得呢道菜係一個藝術品，完全唔捨得食佢落肚。但如果你真係諗住只係欣賞，唔諗住食的話，你一定係傻嘅！
呢道藝術品包括有拖羅、北海道海膽、牡丹蝦、縞鯵、白蝦、穴子同生鱈場蟹棒，而咁多件藝術品裡面我最喜愛牡丹蝦同生鱈場蟹棒，一隻肥美鮮甜嘅牡丹蝦同鱈場蟹棒，完全為呢個 Sushi Set 畫上一個完美句號。
雖然已經畫上咗句號，但其實仲有好多標點符號可以用嘅。。。例如感嘆號！！！
抹茶雪糕配十勝紅豆令我懷念起抹茶紅豆 @ Starbucks，如果佢有多啲好豆就更好喇，當然唔使好似抹茶紅豆 @ Starbucks 咁多啦。。。傻嘅咩！
最後呢杯香濃咖啡，真的令我完全無憾了。。。
感謝 事頭婆 提供以上資料 事頭婆的網誌: http://pamdinningtable.blogspot.hk/
|
~END~
| 商店 | 今佐日本料理 |