之前借題發揮一連寫咗5篇「好友狂嚐曲」，除跟十家分享美食，亦趁機多謝數位老友所送贈嘅曲奇。其實仲有個續篇，唔再繼續用（六）、（七）、（八）……喺因為唔喺食曲奇，而喺另一樣美食，故此，標題亦要改一改，變咗「好友狂嚐谷」。
以朱古力蛋糕打響名堂嘅Awfully Chocolate，早前推出兩款新產品：黑朱古力爆谷及咖啡朱古力脆波，小弟一向甚少追新嘢，全賴食友餽贈，先令小弟試到呢兩款新產品。正所謂出外靠朋友，試嘢靠食友！哈哈！其實初推出時，都有晌報紙賣廣告架，仲被OK便利店優先發售，咁想要試就更加方便得多咯。
![bowl]() 爆谷黑朱古力豆豆chocomais $22.9
以優質黑朱古力包住爆谷，由於包嘅喺爆谷，所以外形比較巖巖巉巉，但味道非常之好，因為爆谷好香脆，而黑朱古力甘苦少甜。每盒淨重80g，但因為豆豆挺輕身，所以都有唔少粒，順帶一提，佢「爆谷黑朱古力豆豆」，喺來自西班牙！
![bowl]() 咖啡朱古力脆脆chococrunch $22.9
以微量咖啡粉包實脆脆波，無論外觀、口感都跟麥提莎好相似，只喺換嚟咖啡外衣。細細粒唔太甜，香濃又鬆脆，好易密密食，食唔停。同樣每盒淨重80g，當然都喺喺來自西班牙！不過，由於太似食緊麥提莎，所以，感覺爆谷黑朱古力豆豆好食啲！
再次多謝食友關照，人哋賞菊，我就可以嚐谷，咁樣結尾喺咪有啲爛呢？
個人評分
味道：8/10
環境：7/10
服務：7/10
抵食：8/10
平均每人消費：HK$0（禮物）
餐廳資料：
Awfully Chocolate
旺角亞皆老街8號朗豪坊4樓20號舖
2375 0055
=============================================
感謝 山區麵包王 提供以上資料
山區麵包王的網誌: http://garycwm.blogspot.hk/
=============================================
| 
