不知何解，老婆突然鍾意嚟客家好棧飲茶，其實都喺想食佢個鹹茶果，所以趁出開嚟尖沙咀處理銀行嘢，就順勢上嚟東企業廣場嘅客家好棧嘆茶食晏。雖然位處遊客區，但驟眼睇嚟茶客都喺以本地人居多，雖然感覺幾旺，由於依度一向容許搭枱，所以等位唔耐。
我哋兩個都肚餓，同埋志在「填肚」，所以快手落單，隨意點幾款，亦都唔使點等好快有得食！
![bowl]() 客家鹹茶果 $17
上次試過晒鹹茶果同甜茶果，發覺鹹嘅好食啲，嚟依度都喺為咗佢，所以客家鹹茶果喺必然選擇。原味嘅鹹茶粿，內餡鹹鹹香香，外皮煙煙韌韌，水準仍然保持到呀！
![bowl]() 鮮菇蒸魚肚 $17
好清淡嘅一款點心，菇菌跟魚肚同蒸，「騎騎尼尼」加啲雜菜粒，個人覺得普普通通啦。
![bowl]() 香煎菜肉包 $17
平時食菜肉包多數食蒸嘅多，見佢有款煎嘅菜肉包，又試試會喺點。整體味道唔錯喎，豬肉、榨菜落足料，幾夠味，個包面同包底煎過吓又帶點脆同焦香。
![bowl]() 醬皇金錢肚 $23
食點心嘅金錢肚嚟嚟去去都喺咁上下做法，眼前依籠都唔例外，跟排骨、鳳爪差唔多都喺經常會點嘅點心，貪佢夠惹味嘛。金錢肚炆得算腍，唔會好似橡筋咁韌，墊底嘅麵根吸滿汁，亦都唔好錯過！
匆匆嚟，就匆匆走，真喺為食個客家鹹茶果！
個人評分
味道：7/10
環境：6/10
服務：8/10
抵食：8/10
平均每人消費：HK$45
餐廳資料：
客家好棧 Hak Ka Hut
尖沙咀彌敦道26號東企業廣場3樓
2369 3822
=============================================
感謝 山區麵包王 提供以上資料
山區麵包王的網誌: http://garycwm.blogspot.hk/
=============================================
| 
