今晚雖然喺「開心星期五」，老婆一向多嘢做工作忙，小弟亦難得加班趕埋個報告俾老細，所以返嚟美孚出街食。知道舅仔都一樣晚飯無著落，所以就拉埋佢一齊去太子飯莊食飯。太子飯莊日頭喺茶餐廳，雖然晌晚上會做小炒，甚至乎酒席、私房菜，不過對於我依個美孚街坊，都喺嚟食吓碟頭飯、小菜套餐而已。
晚市主要分兩個餐牌：碟頭飯餐牌及小菜特價套餐餐牌，前者有唔同嘅中西式碟頭飯、咖喱同湯飯，$38-$48，送例湯或茶啡，不過好搞嘢就喺西式茶啡只供應到5:00pm，應該喺水吧大佬收工，所以晚市改以奉送例湯；後者則每日提供5款精選小菜，一個小炒，一碗白飯，一客例湯或一杯熱飲，收費$50，同樣，5:00pm後一律只送例湯。
碟頭飯餐牌
小菜特價套餐餐牌
![bowl]() 冬瓜雪耳煲肉排
是晚例湯喺煲肉排，唔算好正，至少都未至於「淡茂茂」，無期望就唔會太失望，其實，有碗湯水到肚對唔錯吖。
![bowl]() 咖喱雜菜飯 $38
有啲後悔叫咗依個咖喱，一來咖喱麻麻哋香，味道好寡，無層次，二來雜菜以菜心、小棠菜、椰菜入饌，感覺怪怪，只可以話個人嚟講唔喺好啱食。
![bowl]() 椒鹽肉排飯 $40
有港式碟頭飯嘅一貫大碟，飯多，豬扒亦多，飯粒軟熟綿香，最正啲豬扒炸得鬆化甘香，又啖啖肉，椒鹽味十足，是晚最好食又最抵食嘅一碟。
![bowl]() 西芹腰果炒肉粒 $50
上次嚟食小炒有啲失準，今次點依個炒肉粒就水準返晒嚟，西芹非常清爽，腰果甘香脆口，炒得又唔會油淋淋，配以超大碗嘅白飯，一個男士食都會飽到頂肚呀。
溫馨提示，晚市要收番茗茶，不過都只喺兩蚊一位啫，加一就免收！
如果唔喺個咖喱雜菜，理應值得俾個好評，還望下一次水準更好、更平均。
個人評分
味道：7/10
環境：7/10
服務：7/10
抵食：8/10
平均每人消費：HK$43
餐廳資料：
太子飯莊
美孚景茘徑8號盈輝商場2樓
2148 3309
=============================================
感謝 山區麵包王 提供以上資料
山區麵包王的網誌: http://garycwm.blogspot.hk/
=============================================
| 
