今年真喺幾有食月餅運，首先被「開飯喇」搵咗先試唔同餅店或酒家所出嘅水果月餅，之後食友、同事、老婆同事又先後送贈咗啲月餅嚟，叨老細光仲有緣一試米芝蓮一星菜館嘅蘇式月餅，甚至「鬼佬」月餅亦有幸一嚐，依個中秋實在大飽口福！當然，又點可以漏寫埋嚟自「開飯喇」嘅中秋獨家賀禮「望月」迷你酥皮奶黃月餅吖。
一盒兩個，獨立包裝。
先多謝開飯依份心意，包裝盒設計簡潔，盒面印著一句「嚐樂團圓」，中秋佳節實不可少，更鍾意喺盒邊嘅6個字「生活‧源是滋味」！
有關「望月」、「葉潤發師傅」嘅資料，相信有好多人寫過，小弟都唔多再講，更無謂罰抄一次，盒內單張簡介已清楚有介紹，貼出嚟當個記錄，有興趣就睇睇！
從單張所見，今年望月出咗4款月餅，除酥皮奶黃之外，仲有焦糖果仁、黑松露果仁、松露黑毛豬火腿果仁。雖然松露矜貴，若然有得揀，焦糖果仁先喺小弟心水首選囉，焦糖粉絲喺唔理性架嘞。
![bowl]() 迷你酥皮奶黃月餅
言歸正傳，月餅一盒兩個，獨立包裝，月餅表面烘得唔算好金黃，但分別以開飯飯碗及笑臉圖案為餅模，堪稱極具代表意義，而且，望落又幾精緻可愛。單張上奶黃月嘅餅皮就真喺好薄，但眼前奶黃月餅嘅餅皮，其實在少少厚，不過口感依然鬆化。小弟已按照指引嘅最佳食用方法，就喺用微波爐翻叮5-10秒，唔知何解，切開嚟啲奶黃餡有啲鬆散，幸好甜香仍在，尤其椰奶及鹹蛋黃碎誘發嘅香甜，隨隨滲出，柔軟好食。
一盒兩個，獨立包裝。
一切開，皮有少少厚，而且奶黃餡有啲鬆散。
明年，開飯仲會送望月月餅嗎？要喺焦糖果仁就一流喇，嘿嘿嘿！
個人評分
味道：7/10
環境：6/10
服務：6/10
抵食：6/10
平均每人消費：HK$0（禮物）
餐廳資料：
望月 Wang Yue
長沙灣長沙灣道681號貿易廣場地下3號舖
2386 7666
=============================================
感謝 山區麵包王 提供以上資料
山區麵包王的網誌: http://garycwm.blogspot.hk/
=============================================
| 
