|
黑面赤柱遊
|
|
Belle
2012-01-09
1445
0
|
分享
收藏
很久沒遠行。
上星期六, 兩老突然醒覺, 帶我去赤柱行街。 商場裝修後, 變得非常dog friendly, 容許狗狗週圍行。 有咖啡店姐姐更邀請我入舖頭飲咖啡呀! 但老媽想食pizza... 去到pizza店, 我家被安排坐在馬路邊。 其間不停有人要求我合照及握手, 我突然變得好紅! 我身後的小朋友更向我索吻! 佢都唔知有冇刷牙! 
不如我錫佢啦! 但錫咗幾啖老媽就扯開我! 當日兩老叫咗好多好香的食物, 我不停撲枱要分一份。 但等咗好耐只係分得少少餅碎! 有冇搞錯! 我決定黑面抗議! 嬲死你地! 我更拒絕望鏡頭! 堅持黑面! 叫極唔啋! 最後老媽只好放棄為我影相。 改去行公園。 行之前留意著所有告示牌... 發現這個房委會屬下的公園竟然狗狗可入! 真令人驚訝! 於是我家大搖大擺向公園進發。 嚴格來說, 這處不能視為公園, 因為九成地方都只是小徑, 沒有大空間。 小徑盡頭是北帝廟及古井, 廟比較多人, 我們沒有走近。 只近距離看一看千年古井。 老媽見識少, 竟然以為古井是坑渠口! 古井傍有休憩小地方, 老媽又想影相! 哇哈哈.... 影到話你叻! 公園盡頭可沿山徑再向上走, 到高處就最似一個超迷你公園, 但此處其實是公廁門口! 我俾老媽影一張相, 但我瞇埋眼! 公廁附近有小空地, 可以free run。 但三分鐘後我就決定要跳入花槽踩踩踩! 因為我習慣跑草地嘛! 最後又被人上繩。 今次我有笑住跑俾老媽影架, 係佢自己set唔切相機, 影唔到! 行完公園, 經過排擋, 買了一件cheap cheap賀年衫後, 就返回商場, 試試泊狗設施, 影張相, 當然我仍是拒絕望鏡啦! 行程結束, 打道回府。 =================================================== 後記 : '還拖格格' 裝的下場 cheap cheap衫又一次証明平嘢冇好! 洗一次就甩咗色喇! 只係著咗3分鐘咋! 我家師奶貪平又被騙!
感謝 Belle 提供以上資料 Belle的網誌: http://foxibelle.blogspot.hk/
|
~END~
| 商店 | 馬坑公園 |