|
泥鴨闖西灣
|
|
Belle
2013-10-02
944
0
|
分享
收藏
9月29日天陰有雨。
兩老比以往的行山日早起。
因為又要長征了。
先到西環再到柴灣,
集合了部分隊員後,
向西貢北潭涌進發。
之後在北潭涌再會合大隊,
預備轉的士到西灣行落海灘玩,
吃過下午茶後便原路回。
不過人算不如天算,
西灣發生交通意外,
交通癱瘓!
大隊只好改地點到由北潭凹出發,
行去赤徑。
話要由赤徑打橫行過去西灣喎!
嘩! 我家唔知死!
被人'大兩大'後,
膽粗粗話 : '行咪行囉!'
聽大人說路程會加長很多,
於是我決定要先打底...
在壩底找到鹹鮮一條,
差少許到咀,
但被我阿dad捉住!
唉...
差不多到赤徑喇。
途中我又去搵食,
食罐頭食中蟻竇!
之後惹蟻上身,
我被掌咀丶又被上繩了!
路途遙遠當然要食飽啲啦!
無天理呀!
一輪擾嚷後,
經過熟悉地點...
我曾在這處暢泳呢!
但今次行程緊密要趕景點,
不作停留了。
趕路其間有行山人士列隊歡迎我呀!
呵呵呵!
整段路最多是超級大斜路,
揹住部大相機的老媽拉牛上樹行到死死下!
我亦行得好慢!
當眾人氣喘如牛之際,
蝦條姐竟然還有氣力練習咬舉!
勁! 
 
老媽開始腳軟,
終於有段平路可以回一回氣。
之後經過一小店,
最開心是我老媽了。
'餐旦麵吖唔該!'
人家行山健康活動,
佢就成日掛住食!
一如以往,
小朋友有蝦條家提供的日本番薯作下午茶。
Marshalls 正在等派番薯,
神情專注。 
下午茶後刺激之旅正式開始!
身後有人v嘩鬼叫呀!
原來是進入沼澤區了!
阿dad你仲唔快啲過嚟抱我?
呢隻Jake竟然趁媽媽被困在泥氹中時,
喝下大量污水!
媽媽嗌到走哂音呀!
好了, 全隊人甩甩漏漏咁過咗呢個泥氹。
以為之後可以有條好路行,
但錯哂!
原來沼澤區好似個足球場咁大!
我由阿dad一直抱住,
而其他隊友就玩到好high,
全變泥鴨!
 
 
哇! 真係阿媽都唔認得呀!
 
哇咔咔!
相比之下,
我仲幾咁白雪雪!
不過就被人話我無義氣喇!
呵呵呵...
走一小段路後,
來到第一個海灘鹹田灣。
洗狗時間!  嘻嘻嘻... 我唔使洗! 
洗乾淨後大家爭取時間玩一陣喇。
雖然路程辛苦吃力,
又整日下著微雨,
但時有涼風,
風景又優美,
除了腳軟外,
感覺其實蠻舒服。
可惜又要趕路,
要向海灘說goodbye了!
 
之後又再上山...
下山...
再來到第二個海灘西灣。
已經開始天黑了。
但蝦條姐依然精力充沛,
竟然想搬走大家用作過河的獨木僑!
看! 她永遠知道中間平衡點在那裡!
來到最後景點,
我突然好興奮,
自己撲落身後的內海灣游幾轉,
之後更喪跑!
天黑黑,
真的要回程了!
西灣Bye Bye!
此時大家都知道已不能在天黑前完成旅程,
於是決定豁出去,
入村吃過滑滑豆腐花才繼續行!
小休過後出村踏上黑暗之路。
大家看到我嗎?
最後大隊八人五狗在天全黑後還在西貢某山頭趕路!
尾段路更是斜得相當的要命!
終於在大概七時左右到達西灣亭。
再電召的士回北潭涌,
幸好過程亦算順利。
老媽當日跟我講得最多是 "Belle Belle加油!" !,
(其實是自己跟自己講的!)
全程行了五小時,
不斷上山下山,
澗泥澗水,
手腳並用!
感激各隊員互相照應及鼓勵!
(其實是各隊員照應及鼓勵我老媽!)
回家後兩老要洗狗洗裝備,
最後於晚上十點半才得以吃晚飯。
當晚老媽雙腳倦得不能形容!
以為要痛好幾日,
幸好睡醒一覺後已無大礙。
而我就瞓足一日一夜喇!
雖然十分辛苦,
但又是另一番體驗!
感謝 Belle 提供以上資料 Belle的網誌: http://foxibelle.blogspot.hk/
|
~END~
| 商店 | 鹹田灣 |