|
辛苦的一天
|
|
Belle
2009-03-15
720
0
|
分享
收藏
今日又係打針嘅日子。
唔知點解一去到診所就非常興奮,
條尾不停咁擺, 週圍撩人玩,
我就好似瘋狗院放出嚟咁,
搞到老媽非尷尬。
好不容易輪到我見醫生喇...
醫生話我大概五歲就會定落嚟喎!!!
咁咪仲有四年半家無寕日?
老爸老媽差啲當場休克!
之後打針...好痛好痛呀!
唔使講梗係嗌到拆天啦!
老爸佢哋照舊喺馬路邊食早餐。
之後就帶住我由天后行去灣仔狗公園。
今日好曬, 老媽唔記得帶帽,
佢好辛苦先整走嘅班班,
應該好快就會番嚟探佢囉!
我諗我都需要一副太陽超...
好可惜老媽冇帶大相機,
唯有手機頂住先...
放繩, 開心, 冇走狗...
老媽最近教識我turn,
而家搏獎就轉圈...
比狗追呀!
梗係匿喺老爸胳肋底最安全啦!
喂! 睇唔睇到我呀?
三個鐘喇,
我都唔肯小便,
老媽比張報紙諗住引我,
但我唔制,
要忍到番屋企先!
個籠係我哥哥留比我㗎!
用咗16年架喇!
唔好埋嚟呀!
都係番入去霸住先!
好似開始有啲唔舒服...
玩咗成個鐘,
係時候番屋企喇...
唔知係攰得濟吖,
定係條easy walk 緊得濟,
又或者係暈車浪,
上車冇奈就嘔,
嘔到黄胆水都出埋,
老媽一身一褲都係!
我就成身軟哂,
隔住啲毛都睇到我面青口唇白呀!
好彩番到屋企抖一陣就食番嘢!
總之今日就攰屎啦!
感謝 Belle 提供以上資料 Belle的網誌: http://foxibelle.blogspot.hk/
|
~END~
| 商店 | 灣仔海濱長廊 |