騷媚咖啡係比較早期係香港出現既特色咖啡店, 三四年前已經聽過, 亦都有唔少雜誌介紹過, 之前係葵涌廣場, 後來搬左去工業大廈地舖. 因為已經有足夠既知名度同累積左唔少既粉絲, 即使係比較偏遠既位置, 依然不減佢受歡迎既程度.

 

單睇工廈外表, 估唔到有間咁有特色既咖啡店係度, 一打開Soulmate 門口, 有種別有洞天既感覺, 入面已經坐滿人, 見到好多唔同既掛畫, 玄關位置有一片淺藍色既牆令人有種好舒服既感覺. 可惜咖啡店空間太少, 位置幾迫...

今次試Mocha Macchaito, 係上一篇blog ( 解構Mc Cafe 皇室咖啡 ) 分享左佢既沖法, 第一次試Mocha Macchaito , 坦白講都幾甜, 而且朱古力漿沉底, 最後個幾啖就...但咖啡味的確比一般Mocha 出, 奶泡算做得唔錯~ 佢用左好可愛既鬆弛熊杯, 分量都幾多, 令人覺得好開心~

食物點左 New York Cheese Cake 同Chocolate Truffles Cake, 佢地既蛋糕都好出色, Cheese Cake 食落有好質感, 芝士味香得來又唔會太漏, 每啖都令人有一種幸福既感覺, Truffles Cake 味道都唔錯, 唔會太甜, 朱古力味剛好, 食既時候要小心D, 因為表面既朱古力粉好易跌落身..~

相信店主好有藝術細胞, 咖啡店四周圍都掛左油畫, 善用每一寸既空間, 可惜咖啡店空間感比較差, 俾唔到休閒既感覺, 仲有少少壓迫感... 近年有好多新興既精品咖啡店, 希望Soulmate 繼續保持光芒, 可以搵到一個更好既舖位..~