85c 2003 年係台灣創立,  85度其實指沖咖啡既最佳溫度, 早幾年已經係台灣同內地試過, 今年總於來香港開分店了!   

係台灣, 85c 有超過300 間分店 ( 市場佔有場甚至曾經比 Starbucks 多) , 中國亦有超過250 間.   85c 主打take away service, 提供好多唔同種類既咖啡, 麵包蛋糕俾客人選擇. 令市民可以用比較平既價錢享受到有質素既咖啡同甜品.

香港暫時有4間分店, 我今次既係秀茂坪分店, 呢間分店大概有70% 既面積係賣麵包,  只係得大概4-5 張枱俾客人坐係度嘆咖啡...

咖啡同麵包蛋糕既款式同台灣內地差唔多, 咖啡大概HK$15 一杯, 我叫左杯紅茶latte + 栗子蛋糕, 杯Latte 既味道好甜, 同一般台式咖啡好似, 可能係因為佢用同一款syrup / 紅茶粉...但口感就比台式飲品rich~  朋友飲海岩咖啡,  鹹味咖啡係香港比較少見, 鹹度剛剛好, 唔會搶左咖啡味~ 

好欣賞杯蓋既設計, 好多時外賣咖啡杯蓋都有個"燶" , 好容易會打瀉咖啡.. 但係佢地個杯蓋seal 好左, 一日唔飲杯咖啡一日都係密封既狀態! 非常貼心

雖然主打take away, 係台灣 85c 既dine-in area 依然會見到一枱枱一邊飲咖啡一邊睇書, 又或者一班朋友一邊飲野食野一邊傾計既客人..但係今次呢間分店似麵包店多點, 大概有80%既客人都只係買麵包, Dine-in 既客人主要有兩類, 小朋友同老人家, 都係為左等人.......  可能秀茂坪既客路問題... 

明明佢係台灣/ 內地人心目中係一間咖啡店, 點解來到香港就會變左做一間麵包店?

85cafe

Website: http://www.85cafe.com/