復活節假期前三日,連續三日的陽光浴,
來到第四日,天陰沉沉。
前三日自己出去玩,第四日陪下老人家出去行下。
老人家唔行得遠,有咩地方好去哩?
想起之前剛開放既啟德郵輪碼頭公園,
老人家都講左好多次想去,所以呢一日就帶佢地去行下。
![]()
|
因為我們之前係九龍灣淘大飲茶,所以打的去,
去到公園要50元的士費。
上左電梯一出就見到上面既噴泉廣場,
天色唔好,風又大,望過去觀塘工業區都朦喳喳。
|
![]()
|
呢一日雖然係假期,但可能天氣唔係甘好,
所以來此公園既遊人唔算多。
|
![]()
|
呢個巨蛋型既係咩哩?
真係好似一隻大鴨蛋!
|
![]()
|
公園地圖,睇上去都幾大,
好可惜可能剛開放,很多花草都欠特色,
稍微有D失望。
|
![]()
|
|
我地沿著走廊慢慢走一圈。
|
![]()
|
|
有些草地,一幫後生仔係度開餐。
|
![]()
|
如果要問我公園最靚既地方係邊度?
就係呢個水景花園。
|
![]()
|
|
種植既花草,都係睡蓮同IRIS。
|
![]()
|
|
一家大細係度休息玩樂,都唔錯。
|
![]()
|
|
呢個係中央草坪,係度影相,幾好架!
|
![]()
|
|
由於呢一日無咩準備,所以都無帶相機影相,
都係用手機求其影完算數。
而且公園未夠完善,仲有好多地方有待整理,
等整體將來搞好左可能會好D。
想知道點去此公園?
除左搭的士,可參考以下的方法。
|
![]()
|
|
遊完公園,坐小巴返九龍灣食下午茶。
|
![]()
|
呢間叫池記既食店,以食麵為主,我地叫左三個餐。
呢個係牛腩撈麵。
|
![]()
|
|
豬手麵,味道唔錯,可惜豬手得兩舊。
|
![]()
|
|
必食既雲吞麵,兩碗都細細碗,真係大食都食唔飽!
|
![]()
|
|
呢個係跟餐既小食,紅油三寶。
|
![]()
|
另一個跟餐既小食:炸鯪魚球。
熱辣辣,好好味!
|
![]()
|
跟餐加5蚊有一杯大大杯既意米水,
味道都唔錯,不過唔中意薑味既人就唔好飲了,
因為好重薑味!
|
![]()
|
一個餐都唔平架,價錢在50元~70元左右。
如散叫一碗麵細細碗都要30幾蚊,唔一定食得飽,
所以一定要叫餐。
雖然價錢有d貴,但食完有50元就有5蚊現金劵俾下次用,
甘下次來食就抵得多囉!
|
(PS:相對其他粉麵鋪頭來講,池記算係有D貴,不過真係好食!)
|
