|
北歐蜜月第九天 - 雪上電單車+北極光
|
|
minnie513
2014-05-02
1032
3
|
分享
收藏
第9天, 係小木屋瞓醒後, 執齊行李就去酒店餐廳食早餐了, 環境唔差, 最難得係有三文魚, 老公等左食三文魚好耐了, 上次係食挪威三文魚, 今次係芬蘭, 我都係鍾意挪威多d!
我地繼續向北行, 目的地係旅遊區Sarrisekla, 呢度好多野玩架, 係香港就報左今日玩snowmobile!
一去到就要換衫, 著到成隻粽咁出發, 我同老公同一架車, 因為冇咁貴, 又可以親密d, 坐車尾一試烈火戰車感覺! 
我地行左好耐呀, 呢度好似迷宮咁, 唔係雪就樹, 冇人帶路真係會迷路架, 行左一個鐘左右, 去左個鹿場餵鹿, 佢地真係好得意呀, 不過對同類都幾惡架, 會爭食! 呢度有兩隻仲有角, 但教練話應該好快俾人斬了, 因為驚傷到人! 
快活不知時日過, 話咁快就夠鐘了, 我地玩到又攰又餓, 係附近搵左間餐廳, 食左個最貴既午餐!
之前係香港都睇到有介紹芬蘭食皇帝蟹, 但唔係周圍有得食, 所以放棄左, 估唔到黎到又俾我地搵到, d蟹真係幾鮮甜, 不過貴夾唔飽, 我地另外仲叫左個steak, 好好味呀!! 
終於去到最後一站了, 我地會係呢度留兩晚, 希望會睇到北極光! 第一晚會住酒店既mini suite, 有個露台可以睇到北極光, 但由於酒店得一間, 所以聽晚我地要轉房了!
夜晚等睇北極光, 老公話要瞓陣先, 咁得我一個係度等, 好彩係房就等就得, 唔駛捱凍! 等到一點左右, 真係有北極光呀, 仲要係勁過琴晚好多, 即刻叫醒老公一齊衝左出去睇, 我地好興奮呀, 不過呢度冇乜人, 好似係得我地兩個係大鄉里咁!
d北極光好似煙咁飄黎飄去, 好得意呀, 我地冇專業相機, 只得普通既數碼相機, 又俾我地影到少少, 其實我覺得影相係比較誇張, 現場睇係冇咁綠架! 
|
~END~
| 商店 |