琴日係佛誕假期，相信好多人去咗長洲睇飄飾。不過，cici就真係好怕人多迫到死死吓，所以咁多年都冇去過。難得嘅假期，寧願悠閒地渡過，況且晚上已經一早安排節目啦! 就係同好姊妹去睇拉闊音樂會。每年，我都會同好姊妹會選擇一個大家喜愛的歌手，我好姊妹就用積分換票。今年有我好姊妹喜愛的楊千嬅，我當然捨命陪姊妹啦!

早兩日我好姊妹話想去上環食意大利菜，原來係ABC Kitchen。這間餐廳係皇后街熟食中心，都係我納入想去試嘅餐廳之一。既然係咁，當然冇問題，一齊去試啦! 我哋book咗6點半，但因為兩個大頭蝦因為天黑的關係，竟然行錯路去錯咗上環街市，所以最後遲咗半個鐘先去到皇后街熟食中心。

熟食街市內食店不多，約十檔而已，ABC kitchen已佔有兩檔。檔口前擺放各店專屬的枱凳，部份檔口可能只做日間生意，所以已經關門。ABC在環境佈置上花了一點心思，餐桌上鋪有一塊紅色的格仔枱布，並放上紅酒杯，致力營造西餐廳格局及氣氛，加上顏色分明的招牌，更搶眼。明顯與旁邊的小檔口是走截然不同的風格。

餐桌上已經有張 A4紙的餐牌，及wine list，餐廳背面仲附上地圖，方便大家記下位置。不過，我哋之後睇音樂會，如果唔係，一定會品嚐貴餐廳的酒。我哋趕快嗌咗 appetizer, main course 同 desserts。因為今日餐湯係甘荀濃湯，唔係大家嘅favorite soup, 所以冇order。

餐廳首先送上一籃兩個微熱而散發陣陣香氣的香草麵包。點點香草綠碎於白哲麵包中清晰可見，亦帶微微香味，食落有啲質感。

頭盤我哋點咗香煎鵝肝伴龍珠果醬，我哋一同分享這份鵝肝。這個鵝肝屬脂肪較多的部份，入口即溶，配微焦的麵包簡直一流，加上龍珠果醬的甜加持令鵝肝有種香甜的感覺，伴碟的沙律菜加上黑醋，更能沖淡鵝肝的油膩感。

第一款主菜蘑菇意大利飯，蘑菇汁用上三種以上不用的蘑菇制成，香味湧出來似的，我還償出蘑菇汁內加入了芝士，吃下更有層次感。蘑菇汁更完全滲透於意大利飯中，十分濃郁。

第二道主菜紅酒燴豬面頰伴薯蓉及炒波菜，豬面頰好腍又不肥膩，紅酒汁的甜伴薯蓉，味道恰到好處，波菜爽度剛剛好，唔會過腍。

甜品方面，意式奶凍入口有香濃的奶香和雲喱拿味，頂部有點黑芝麻，更能帶到奶凍的香甜，配以雜莓醬的酸甜，就像吃果凍加花奶一樣絕配!

巴伐洛娃蛋白餅： 雖然不知道巴伐洛娃是甚麼，但聽起來也是很特別，加上侍應大力推介，一試也無妨。它有着很特別的賣相，蛋白餅的形狀是不規則的，上面插滿了水果粒, 熱情果sauce酸度剛好。這個蛋白餅也算是有誠意，內面切到中心有香甜芒果雪糕更有驚喜。層次和味道也豐富，也真獨特，值得一試 (後來得知巴伐洛娃原來是奶油蛋白甜餅的意思)。"Pavlova由蛋白加糖烤烘而成，外觀柔白，入口脆中帶滑。"

這個意大利餐，都要$576 (不收加一) 我覺得如果想試這家餐廳，可以在午餐時間試，因為他們的午餐都只係$100元以下的事，用不著晚上來費那麼多錢，主菜與甜品是合理價錢與相對味道，本人這樣就覺得一般，沒有太大的驚喜 (唯一驚喜係蛋白餅)，因為所花價錢愈高相對要求就會更高。

ABC Kitchen

地址 : 上環皇后街1號皇后街熟食市場7號舖

電話 : 9278 8227

營業時間:星期一至六:12:00-14:30; 19:00-22:30 星期日:19:00-22:30

每人消費: $200-$300

網址: http://www.abckitchen.com.hk