朋友相聚,當然要食得舒服又開心。

呢次四個女人決定去食越南野,朋友既至愛。

選左九龍灣德福廣場二期既嚐越,提前兩日定位,去到即刻可入座。

餐廳唔算大,勝在有卡位同沙發椅坐,坐既好舒服。

人齊叫餐,先叫左三樣小食。

第一樣,米紙卷,裹邊包有一隻蝦同青瓜,

食上來好清甜!

呢個係每次來食必叫既炸春卷,用生菜包來食,好味得來又唔膩!必食!

呢個係酸辣鳳爪,雖然味道唔夠泰式既香辣,

但岩我地呢班唔係食得好辣既人。

然後叫左半隻南乳燒雞,皮脆肉滑,

又唔會好似出邊酒樓既甘鹹,味道岩岩好!

叫左兩款串燒,不過花生醬既味道就唔夠好食。

蒜容炒通菜,味道都OK。

主食係菠蘿炒飯,好多配料,仲有兩三隻大蝦,正!

最後再叫左個芒果紫米甜品,中間好多芒果!

真係好好味啊!

4個女人邊食邊傾計,好開心!

坐著兩個半鐘,食完嚐越,出邊落著雨,但意猶未盡。

第二個胃想再食甜品,所以又走左去淘大商搵甜品食。

(德福廣場甘大,竟然無一間糖水鋪!真係失敗!)

上網查到係淘大商場二期地下有間叫金玉滿堂既糖水鋪,

心想是晚係閒日,又落著雨,應該無咩人食吧!

點知去到,哇,竟然暴滿!香港人真係太中意食糖水啦!

好彩隔離有間許留山,竟然無咩人,於是入去再食過!

4個女人臭相同,都中意''臭''----榴槤糯米糍!

一口咬落去,哇,''臭''味即出!

好正啊!裹邊既榴槤又香又甜

這是腐竹薏米蛋。

叫左兩個雪蛤鮮奶燉椰子,女人一定要對自己好D。

4個人女人傾下計,出邊狂風暴雨,傾到唔想走!

直到屋企人打電話來,話宜家黃雨啦,先急急腳買單走人!

走得快好世界,返到家黑雨!