期待了一個星期的Mr.X密室逃脫, 星期日黃昏狂風暴雨下, 我們一行六人無懼風雨齊齊去紅磡接受挑戰!! 究竟我們可不可以成功逃脫呢? 好緊張!!好興奮!!

2013年已經進駐紅磡廣場一樓及二樓的Mr.X, 原來非常非常之大, 內裡有六間密室逃脫遊戲房, 最細的一間也超過一千呎面積. 

因為我們今次帶同小朋友一齊玩, 所以負責人建議我們玩中度級數的「終極審判」, 首先當然由Andy哥哥講解一下玩法, 之後就正式開始.

一開始阿囝驚到哭, 驚到唔敢入密室, 不過Andy哥哥好細心, 對阿囝說:「唔駛驚架喎, 無嘢跳出嚟嚇你架, 你可以攬實爸爸入去睇睇先, 如果真係驚, 我陪你係出面等爸爸媽媽好唔好 ?」結果, 阿囝就如同樹熊的一樣抱實我齊齊展開好玩挑戰.

一走進ROOM 1 的「終極審判」, 房間大約300呎, 中央一個大圓型密碼鎖門, 我們當然要設法找出提示, 打開機關, 走入另一個關卡吧.

不過, 以我們的智慧, 當然絶對非常....迷茫吧!! 結果, 我們在第一個房間裡已經用了半小時, 還多次使用絶招 :「對閉路電展示HELP救命卡」叫Andy入來救命....

(汗顏!!)

進入「終極審判」的第二關, 一個十分有氣勢, 十足十職業特工隊的紅外線房間就在眼前出現了....

嘩!! 要避過所有紅外線呀!! 一踫到就會發出警號,發出警號就要重新再左閃右避一次...好刺激呀!!!

哈!! 紅外線是考體力技能, 沒有腦力的我, 閃閃避當然不成問題, 闖過紅外線, 打開第三關之門我們又被卡在解不開的難關上, 結果, 當然是又要靠:「HELP救命卡」, 看來Andy哥哥也會覺得我們真的幾麻煩吧!! 嘻~嘻~

結果, 我們用了一小時多小小終於成功逃出密室!! 一打開出口大門的一剎那, 連阿囝也大叫:「YES!! 走出去啦!! 好嘢!!好嘢」

之後, 我們仍然十分雀躍的跟Andy哥哥繼續參觀超過2萬呎的Mr.X , 二樓有一個很大很大的Cafe, 舒服的大梳化, 我們當然不會放過去拍攝一張「成功過關」的大合照.

Mr.X 的Cafe暫時還未正式開放, 現在還在籌備階段, 所以, 朋友先來扮扮酒保及客人吧!!

原來最新及最大面積的第六個密室「惡魔島」亦是設置於二樓, 嘩!! 朋友們需要分開兩個設計成監獄的密室, 設法解謎, 然後再集合一齊夾手夾腳挑戰各種機關, Andy哥哥說:「暫時惡魔島係最大同最難的一個密室」我好想玩呀!!

一樓還有可以用來招待小朋友團光明之書, 內裡一個個不同積木, 不同的時鐘鐘, Andy說有箇中玄機, 小朋友最鍾意玩喎.

當我們準備離開時, 突然聽到三號密室有玩家大聲歡呼, 原來她們剛剛成功逃出「集中營」, 我們見她們進開, 又走了入內拍照, 這個「集中營」好有氣氛, 一入門就已經是當年「今日睇真D」解剖羅茲威爾的情景一模一樣, 好吸引!!

高高興興的就過了兩小時, Mr.X真的十分刺激!! 我決定盡快要再來挑戰最最最難闖的監獄密室~ 惡魔島你等我啦!! 

MR.X

地址 : 紅磡馬頭圍道37-39號紅磡廣場1樓

電話 : 23799911

http://www.mrx.com.hk/

https://www.facebook.com/mrxhk

Facebook : https://www.facebook.com/hayakutang