自細個開始，其中一樣最喜歡既零食，就係袋鼠國既鳥結糖，無論親朋好友來去袋鼠國，問我要咩手信，我都係話：「鳥結糖就可以。」

自從數星期前，吃過朋友請的鳥結糖，即驚為天人，一試難忘。最驚訝是，呢個鳥結糖係100%產自香港，我竟然完全唔知道。

明查暗訪下，星期日即和小龍女，一齊去美孚探險。地鐵站一出，行幾步，已見到傳說中，賣神奇鳥結糖既～「多多餅店」。「多多餅店」自外表上外，和一間普通屋村的餅店，完全沒有分別。

一步入多多餅店，已見到賣鳥結糖的地方，自成一角，放有很多不同口味的鳥結糖，有散裝、普通裝和禮盒裝。

多到眼花撩亂，都唔知點揀好。店員可能叫我太困惑，都走上俾ｄ意見我。


最後聽店員的推介，買了兩盒相同口味的禮盒裝，盛惠$88 * 2 = $176。價錢一點不便宜，不過以這味道來說，還是超值的。


據店員說，這三款口味最為暢銷：黑芝麻脆心糖、脆心紐結糖及咖啡脆心糖。


盒後詳細以中英文列出成份和營養資料，這個抵讚！對食物有過敏感的人，進食前，也可以好好看清楚。


登～登～登登～打開左之後，露出金碧輝煌、不同顏色和包裝的鳥結糖。　


忍唔住，即刻試左一條黑芝麻脆心鳥結糖，軟硬度適中，配合埋中間脆脆既獨立口感，效果一流，再加上濃郁既芝麻味，人間一大美味呀！


細細一條鳥結糖，涵料豐富。貴得有道理！


我覺得多多餅店呢個鳥結糖，應該列為香港其中一樣必試美食之一。

題外話，兩大盒鳥結糖既命運係點呢？正所謂獨樂樂，不如眾樂樂。而且係呢個世界裡面，其中一個最偉大既人，就係我母親大人(小龍媽)，有一盒當然係進貢俾小龍媽啦～；而呢個世界，其中一個最不能得罪既人，就係我外母大人(小龍女媽)，所以另一盒係要進貢俾小龍女媽。