事隔一個月, 我們重臨「PMQ元創方」, 因為今晚一家三口與Chocolate Rain有個約會.

阿太說:「PMQ入面Chocolate Rain間舖原來有得食分子料理, 不如去試吓囉...」從來未食過分子料理, 最初還以為是一支支試管「飲牛扒」, 「飲雞髀」, 原來Prudence話:「分子料理即係唔大量油, 唔用大量醬料, 將食物部分重新組合, 重新配搭, 你一陣見吓就知架啦!!」

分子料理餐廳藏身於Chocolate Rain 3,000呎店舖之內, 嘩!! 餐廳靚到不得了, 十足十一個童夢王國一樣, 天花吊滿靚靚花布傘，枱面, 枱布, 梳化椅印滿Chocolate Rain插畫, 大大小小Fatina及Chefo公仔包圍著, 牆身更有Chefo的故事圖畫。

阿囝興奮的走來走去:「E度好靚呀! 好好玩呀...好鍾意E度, 爸爸...你睇..個咕臣係有我最鍾意嘅青蛙嚟架. (Kitty朋友Keropi)」

從來未去過一間餐廳氣氛, 環境如此一流, 簡直對於一名中年阿叔也有變成童話小王子的感覺. Prudence話:「我夢想就係開一間自家設計品牌的店舖, 再加餐廳, 希望大家又覺得好玩, 又食得開心.」

今晚我們點了一個「短餐」加一個「長餐」, 我望著餐牌也看不明白, Prudence說:「今晚我同你地分配, 包你哋一家三口食得開心!!」我忽然覺得很輕鬆又充實, 因為竟然有設計師為我們「度埋餐單」. 我真得很愛這種「乜嘢都唔駛諗」的感覺.  Prudence說:「你哋方心周圍去影吓相先, 有得食, 我會叫你哋返嚟架啦!!」正呀!!

這裡的食物全部即點即煮的, 所以一上枱時溫度及新鮮度爆燈. 每上一味菜式Prudence也會親自介紹, 就如第一味的番茄湯, Prudence 拿著盛滿番茄湯的茶壺、及三杯放著白色泡泡如蛋白的茶杯講解:「杯入面係分子處理過的水牛奶酪泡沫, 以及巴馬臣芝士碎....倒入含香草的番茄湯」

嘩!! 好似Louis Yan變魔術一樣, 陣陣的白煙冒出, 十足在大自然騰雲駕霧的感覺. 湯很有煙熏香味, 層次感十足, 十份濃郁. 不過可能我一般愛喝忌廉湯, 所以覺得今晚的湯有點酸. 如果可以再給一個餐包來配湯, 應該會更好效果.

之後刺身主菜來了, 最最最令人喜出望外的,  Prudence竟然會為每一位客人, 用墨魚汁在碟上繪上Fatina或Chefo真跡. 一般食客也只得一個公仔, 但Prudence話:「今次特別為媽媽畫一個Happy Family.」所以兩碟加在一起就是我們一家三口. Yeah!!

帶子刺身配韓國意粉, 再加一系列分子處理, 我真的未能懂得箇中內容, 但Prudence再三叮囑, 分子料理一定要伴混一起才好味道, 真的沒有說錯.

帶子真的很鮮味, 意粉加入了很多味道, 不似一般意粉, 伴著帶子來吃, 很豐富, 很香口, 總知就好食到不得了.

再來就是 Where is My Pie 的蔬菜批. 我最初很抗拒, 因為不愛吃批, 但設計師再三表示信我!!, 信我!!, 結果, 真的意想不到的驚喜.

牛油甜酥餅乾暖笠笠的, 脆脆的, 而所謂「批」, 原來是滿滿的菇菇配青葱及疏菜, 那濃郁的菇菇, 入味, 好味, 好好食.

主菜吃完, 其實份量不多, 真的兩口也可以KO, 不過, 兩款主菜都實在太太太出色, 令我們要慢慢嚐, 細細嚼, 之後就輪到阿囝的最愛忌廉焦糖燉蛋布甸.

Prudence:「人人一見到Fatina 頭仔, 就已經好鍾意, 不過記得一定要撈掍食呀!!」雲尼拿泡泡配焦糖雪糕, 再加入焦糖脆脆, 還似有些Oreo碎碎, 真的愈食愈令人叫求命, 太好味, 多重食物混在一齊, 又冷又有實在, 又有軟又有綿, 一次過放入口, 真不的愛不釋口.

最後就是晚餐Surprise, 最飯後贈品, 士多啤梨乳酪雪糕泡沫綿花糖甜品. 阿太不知食得多興奮, 而我和阿囝就大愛Fatina 頭雲尼拿泡泡燉蛋. 

開放式磨菇廚房是Prudence製作飲品的地方, Fatina或Chefo雪櫃伴著調酒或給小朋友斟蘋果汁用.

而真正的廚房則在Fatina或Chefo的大門後, 內有一中一法國廚師, 有報紙說Prudence丈夫是意籍大廚, 我未獲入內, 所以未能証實, 不過大廚很友善和我隔著玻璃揮揮手. 

其實, 我應該禮貌的走入內對他說你煮的食物好好味, 但無奈Prudence 說:「佢唔多鍾意影相架, 你偷偷地應該OK嘅」所以我才沒有內進.

從來沒有想到設計師會親自為我們講解, 上菜, 傾計, 斟茶遞水, 還在同時招呼6枱粉絲食客之際也很樂意和我們合照呢!!Chocolate Rain紅得是有道理的. 加油!! 努力!!

Eat & Play

地址：中環鴨巴甸街35號PMQ元創方A座一樓109-113室

電話：2559 0017

Facebook : https://www.facebook.com/hayakutang

http://dayanlife.blogspot.hk/2014/06/eat-play-chocolate-rain-pmq.html