一直少霧面(一諗到要打字，就好懶)既小龍，又俾EEChan發現，哈～即該出返篇攻略俾大家睇下！

愚公移山故事，相信大家小時候，多多少少都會聽過，但真人版既愚公移出，大家又有無親身見過？就係因為呢個愚公，用心去做一件事，更令CNN將呢個烏溪沙沙灘，封為「香港最佳沙灘」，今日就等我同小龍女，帶大家去睇下愚公既真面目啦！

小龍女想踩單車，咁就一於由大水坑單車公園租單車，開始我地既尋找現代隱世愚公之旅

我覺得大水坑單車公園好唔錯，一來容易去(大水坑站B出口一出，沿單車徑行5分鐘就到)，二來單車新，三來店員普遍態度都好友善，四來價錢較便宜，相比起大圍既單車店，實在好太多啦～

公園內，大大話話有四、五間不同既單車店

可能有競爭，價錢同服務間間都唔錯～

單車價錢由$30-$50不等，視乎新舊及型號，精明既小龍女，當然二話不說，我要$50既...加多$30就可以係大尾篤還車。

終於揀定我地兩駕戰車～

出發前，補給一下。方圓十里得一間舖頭，心諗會唔會又係海洋公園價？原來係屋村街坊價，$5一枝水，真係好平呀！

當日天氣炎熱，貼心既店主，仲俾左兩支結左冰既水我，超級清涼

跟據單車舖店主既指引，唔洗30分鐘，我地就踩到去馬鞍山海濱長廊，目標在望！

踩到海濱長廊盡頭望落去，已經見到心型石灘！

小龍及小龍女到此一遊，拍照留為記念

夏日炎炎，唔係好多人游水，最神奇既係，游水既人，係操普通話，厲害呀，連咁隱世既沙灘，竟然都識得嚟

網上搵過下資料，執拾石灘既有兩個退休人士，一個係退休海員郭九，一個係康文署退休花王吳伯。兩位退休人士都係想將泳灘既垃圾、貝殼碎、細石和玻璃碎清除，方便每一個市民，都可以來到呢個泳灘暢泳，真係好有心。

去到既時候，正好見到吳伯正打理業務～執拾垃圾和努力推砌心型石灘。係30幾度既高溫下，仲要做住體力勞動既義務工作，係既無私奉獻精神，實在太令人感動！

遠望，旁邊仲有D石砌既字。哈～呢個應該係其他情侶砌的吧？